BON CHAT CHAT 閑寮

营业中

休息中

今日約咗三個朋友一齊去咗一間 pet-friendly 的 cafe 食野，朋友帶左佢既「愛女」黎 😆! 由於有狗仔，只可以坐室外露台位，感覺都寬敞. 天氣好又乾爽，好 chill 🌤️野食都唔錯，好食又打卡able… 叫左個打卡必備的 「早餐一格格」，係將 all-day breakfast 以特別的形式去呈現，中間個牛油果焗蛋好特別，好食!亦都點咗 「鹽燒雞扒便當 配櫻花蝦炒飯」，即叫即製，雞扒塊皮仲有焦香左既鹽燒味道，配埋乾身惹味的櫻花蝦炒飯，呢個真係好食 ❤️ 最後仲有點左個份量十足的 「蟹籽、蟹肉、蟹膏 意粉」，好濃蟹味，用料睇得出幾多，勁大碟… 4個人叫左 3 野主食，同埋一份 炸物薯條洋蔥圈，飽飽 😌

日日都天陰／多雲／有雨，心情都被影響埋，咁岩見到呢間餐廳，不如就黎試試新嘢🌿閒說餐廳開左大半年，頭幾個月日日full booking, walk in 等位=mission impossible; 一黎到就明點解！入口短短既竹林造景，營造出幽靜悠然既感覺，彷彿提醒客人調節身心，放慢腳步，好好輕鬆一下💜 天雨關係無法在戶外用餐，安排到竹林裝飾旁的榻榻米座位，加上窗邊自然光，感覺加倍放鬆！嘢食方面，今次淨係叫咗4樣嘢，每款都好精緻！ 尤其是「早餐一格格」，基本上每枱都有叫，質素正常，比想像中好，唔係「打卡餐廳得個樣個d」；價錢都係一般cafe價位👍呢日假期，lunch hour唔算full, 靜靜地份外適合「閑寮」🫶位置係D2附近都幾方便 @bon.chat.chatIG重有片教埋點行, 相當細心, 原來逢星期四休息🚷 @leetaitai_foodie

第二次黎 Bon Chat Chat, 好大唔同喔! 今次開埋室外座位, 一邊係兩張 Tatami 枱, 另一邊係好 relax 既 座椅位! 成個地下都係白色石仔，裝修好靚，俾人好舒服嘅感覺。最Eye catching 的燈籠牆真係冇見過，好特別，4點幾去仲未入夜都會見到暖暖燈光。飲左杯橙啡🍊, 同埋食左個一格格 🍱, 最鍾意就係個牛油果焗蛋，冇見過有咁樣嘅配搭，幾新穎。成個擺盤冇得輸由於個地方太靚，影下影下就好 chill 咁坐到6點幾，差唔多收舖

Bookmark 左一排的樓上日式禪意 cafe. 早兩個星期 book 坐榻榻米位，開心 ☺️ 天氣好，俾自然光射入來好舒服!野食方面主打日系，叫左 龍井蝦仁茶泡飯，同埋 早餐一格格。呢個一格格係類似 All-Day breakfast 咁，打卡感極高，擺盤成9宮格，每一格唔同食物，好滿足! 中間個牛油果焗蛋好有心思，好好食! 😝 最後仲叫左個甜品焦糖蛋糕，細細件，唔算太甜。從榻榻米個窗口望出去見到有個露台，鋪滿左白色石仔同埋有個屏風，好似將會有外面座位。我好奇出去望下都幾舒服，睇吓遲啲整完再嚟一次 🌝