L.D.K. by Ufufu Café (新都會廣場)

营业中

休息中

焦糖香蕉法式多士 $82呢個實物同相都一樣咁吸引！🤤 首先用切開既法包浸落甜蛋漿 然後用慢火細煎 令吐司食落外脆內軟 加上忌廉、蜜糖、焦糖香蕉同冰涼既雪糕 成個組合係perfect match🥰 如果焦糖香蕉既焦糖層可以更加厚就好😋 整體食落都幾飽肚而且好味 值得一試🤩評分: 9/10🌟明太子忌廉蛋包飯 $98明太子蛋包飯雖然賣相平平 但食落都幾有驚喜🤩 明太子忌廉食落好香濃 蛋入面係蕃茄炒菇菌飯 而且份量都多 配上炒滑蛋同炒飯一齊食 更加濃郁 不過份量都算大食落有啲膩 但整體都算出色🥳評分: 8.5/10🌟鹿兒島和牛漢堡扒佐咖哩蛋包飯 $148呢個賣相相對靚啲 而且個蛋炒等好滑😚 加埋濃郁既咖喱汁 真係送飯一流！ 不過和牛漢堡扒相對有冇特別 肉質唔算太滑 食落唔會太乾 感覺一般 係咖喱汁挽回不少分數🧐評分: 7.5/10🌟———————————————————————L.D.K. by Ufufu Café (新都會廣場) (葵芳)葵芳興芳路223號新都會廣場3樓345A號舖

「新都會出色日式連鎖餐廳🤤。」Ufufu 已經encore 咗好多次啦 今日係第n次🤣..《白芝士咖哩炸雞讚岐烏冬》 🌟🌟🌟🌟🌟 (必點！）🍴百食不厭嘅《白芝士咖哩炸雞烏冬》係厚厚一層嘅白芝士底下蘊藏著日式風味嘅甜咖哩🍛將佢地撈埋一齊之後帶出左咖哩嘅香味 而白芝士就增添咗滑滑綿綿嘅口感🌟 唯一不足係 今次烏冬太𣺉🙈..《明太子忌廉蛋包飯》🌟🌟🌟🌟🌟 （必點！）🍴呢樣都係必點 真心😂除左「明太子忌廉」又重明太子味又香滑之外個滑蛋都係世界級正 睇相都知佢滑捋捋😚入面嘅係蕃茄炒菇菌飯 中和咗個料嘅少計膩感👍🏻👍🏻..《和風宇治抹茶芭菲》🌟🌟🌟🌟🍴Ufufu嘅甜品 幾好味😊😊So far未試到伏

經過幾次都多人排, 心思思想試下.  天朗氣清既星期日, 好鬼醒神既吹水友, 一行6人泥到呢間店, 以為實無位啦, 點知唔水15分鐘就有位,  so lucky! 限時90分鐘都好多人下, 坐位一般啦, 唔算超C服白芝士咖哩雞烏冬 - 個樣係白汁, 原來底部有咖哩汁, 老老豆豆, 幾好食喎! 有新意, 我鐘意!  雞都炸得唔錯, 好好味下, 喜出望外! 厚切煙肉卡邦尼意 - 個汁唔錯, 意粉軟硬適中.  煙肉厚切都幾好口感咖哩蛋包飯 - 正! 蛋好滑, 咖哩汁都好香! 但無肉,  份量又唔大, 男仕就好大機唔夠飽喇! 和風蜆肉意粉 - 味道唔錯, 只係份量細左D和牛漢堡扒咖哩飯 - 和牛喎, 梗係貴D啦, 好彩都唔錯, 老套D講, 牛有牛味!明太子忌廉蛋包飯 - 好忌廉下, 蛋當然滑滑滑滑滑, 都係無餱, 男士唔好考慮了整體碟碟都好食, 有水準!! 但最大問題係野飲貴, 只得食, 無野飲, 總係爭左D野. 最好佢地有套餐啦, 包簡單野飲都好吖, 咁餐飯先會開心好多!

環境: 餐廳位置系新都會三樓, 開左唔係好耐, 餐廳都算幾大, 行西式路線既日本cafe. 環境算幾舒服和幾靚.食物: 餐廳主打西式日本料理, 打開餐單, 主要有日本咖哩飯, 蛋包飯, 鐵板牛排等等. 其實佢有幾款都幾吸引, 其中有招牌鹿兒島縣牛肉漢堡扒. 今次叫左個明太子忌廉蛋包飯. 蛋包飯唔算好大, 飯入面主要係菇菜, 飯同蛋都正常但唔係話特別好食, 不過個明太子忌廉汁都整得唔錯, 有明太子香味而且忌廉唔會太濃, 本身見到以為汁會太多, 不過食到最尾汁都可以食曬.價錢: 價錢偏貴, 雖然都算好食, 不過價錢有少少唔值, 上面蛋包飯$92未加1, 其他大部份都要$100以上.

朋友係要見既，雖然只係食餐飯，行一陣，但已經好開心。朋友之前食過一次，話試過卡邦尼意粉，佢話okay，所以今次同我再去。係葵芳地鐵站，穿過無印，上一層就見到啦。唔洗等位就入左去...叫左一飯一意粉share加左38蚊，有個沙律同酥皮湯。個沙律都okay既，唔知係咩醬，但味道還可以，唔係醋個種。酥皮湯係粟米湯，個湯濃郁，好香粟米味，個酥皮都好正。重點來了！！大推大推！！我超愛食明太子，所以揀左呢個明太子忌廉蛋包飯。我原本期望唔太高，但食左一啖之後，我即刻問我朋友邊到有分店。呢個飯真係好好好好好食。蛋夠滑，飯夠味，重點係個汁，真係好好食。我最後係飲埋個汁咁。我一定會去再食。個意粉都好食，但相比蛋包飯，我都係揀蛋包飯。個意粉有好微好微既辣，唔食得辣既我都覺得好微。意粉煙韌，蜆都算多。兩樣野面頭個啲係紫蘇葉，如果唔鍾意陣味就夾開去啦。真心推薦明太子忌廉蛋包飯。

朋友介紹黎食，一行五個女仔。叫左好多野食，款款都好好食。上菜勁快，快餐既速度！！！員工有笑容，有禮貌，唔錯！門面用木條有種和風味。呢碟雞翼幾香口，都 ok 跟餐加$58有沙律+酥皮湯+飯，都 ok 南蠻炸雞，叫左第一次時，岩岩好一人一舊，勁 好 食 之後又要再多碟黎食，而且$48都唔貴既滑蛋沙律 d 蛋好好食，勁滑好有蛋香。沙津個夾勁方便，好鍾意。汁好清新好夾。明太子忌廉蛋包飯，好香明太子味，再加上蛋香真係好正，岩岩好唔會好流喉。三文魚蕃茄意粉，有少少微辛辣，唔錯。岩岩好唔會令人狂飲水，三文魚都好大舊又新鮮，無臭味。羅勒香草忌廉意粉，好香好 creamy,蝦份量都算多，好新鮮既。咖哩吉列豬排飯，好香脆，豬味好出，咖哩味唔會好辛辣，都好正！呢個莓芭菲有 d 酸，覺得馬馬地。布丁芭菲，好食到飛上天既程度！！勁好食啊，表面係焦糖黎，最底有香蕉，好似係$78雖然唔算好大杯，但係堅好食。