喜膳燒

营业中

休息中

上次喺尖沙咀同朋友食完串燒覺得味道唔錯，今日打算喺同區尋找串燒店再戰😎見到呢間網上評價不錯，所以入去試吓❤️<燒珍寶大扇貝> $78揀咗蒜蓉味道，扇貝入面有粉絲同大粒瑤柱，味道鮮甜，蒜蓉同扇貝嘅配搭冇得輸～<蒜蓉焗金菇> $58見到有黑松露口味可以揀🥰黑松露味道恰到好處咁帶出金菇嘅鮮味，金菇份量都足夠，第一次咁樣食覺得都幾新鮮❤️<燒茄子> $29蒜蓉嘅香味滲入咗茄子肉入面，無限encore，如果份量可以多啲會更好🤣<燒台式香腸> $26油脂比例適中，表面撒上少少椒鹽粉，食落去更加香口😝<明太子釀雞翼兩隻> $49明太子同啲雞翼既配搭唔錯，明太子獨有嘅鹹味同雞翼嘅肉質配合，嗰陣鹹香唔會太重幾好食<泰式燒原隻鮮魷魚> $88魷魚燒得香口，就咁食都食得出食材原本的爽滑，點埋一邊伴上既泰式醬汁，更能帶魷魚嘅鮮甜🤪

【尖沙咀高質串燒店🔥喜膳燒】-停更咗幾日🥴因為小編要趕份assignment🏃‍♀️💨今日終於有時間同大家分享前幾日食嘅高質串燒店👅🔥喜膳燒🔥👅-餐廳位置有啲隱蔽🫢要穿過商場入口先見到佢😝環境都唔錯😜有啲鳥籠做裝飾餐廳好貼心咁提供咗一個烘熱咗嘅石爐🪨咁樣就唔驚串燒凍曬唔好食😳食物方面基本串燒嘅款式都有🤩味道都相當唔錯👍🏻仲有啲特色串燒🙌🏻值得一試！-😋燒流心鵪鶉蛋 $28鵪鶉蛋有四粒🥚咬開入面係流心架🍳落咗燒汁灑咗啲芝麻同紫菜😝充滿關西風味好味指數：🌕🌕🌕🌕🌗-😋燒芝士響鈴 $24/2條小編第一次見燒芝士響鈴🔔好奇心驅使下就嗌咗黎試🤩點知好鬼正！響鈴兩邊擠咗芝士醬🧀脆卜卜嘅響鈴加埋香濃嘅芝士😌好味！好味指數：🌕🌕🌕🌕🌗-😋海鹽燒雞皮 $38/2串雞皮燒到金黃酥脆好香口😋保留到雞皮嘅油脂感🤩可能係小編近期食過最好味嘅燒雞皮 好味指數：🌕🌕🌕🌕🌖-😋蒜蓉燒茄子🍆 $29茄子可以揀孜然味或者蒜蓉味🧄呢到茄子唔會燒到好燶😗口感軟綿綿可以連皮食😆多汁軟嫩的茄子肉搭配濃濃蒜蓉🥹真係好正🤤不過份量比較少好味指數：🌕🌕🌕🌕🌗-😋明太子釀雞翼 $49/2隻雞翼內塞入滿滿明太子😋幾香口好味指數：🌕🌕🌕🌕🌘-

友人帶我來到寶勒巷食串燒，餐廳地方細細座位不多。對住半開放式廚房聞到香噴噴串燒味，但又不會成身油煙。串燒與熱石一起奉上，串燒温度無咁易流失。燒雞肉串 BBQ $26肉質好嫩，唔會燒到乾爭爭。照燒汁燒京葱 $16京蔥夠晒粗身，面層塗上薄薄燒汁，咬落爽脆甜美。燒玉子 $19細細粒一啖一粒岩晒我，玉子燒得剛好無過熟。燒韭菜 孜然 $19燒韭菜我最愛，孜然加上辣粉好惹味。味醂雞燒泡魚乾 $48口感煙韌，沾上沙律醬更美味。燒煙肉鵪鶉蛋 $34鵪鶉蛋香和煙肉咸味好爽，令兩種味更突出。明太子釀雞翼 $48無骨雞翼脹卜卜入面釀滿明太子，咬落啖啖肉好滿足。燒珍寶大扇貝 $68扇貝肥美鮮嫩彈牙，好多蒜蓉粉絲和索晒醬汁，好美味。

口痕痕，食乜好？路過寶勒巷，見到「喜膳燒」這居酒屋很有特色，二話不說我們就決定今晚嘆串燒！小店是名副其實的小店，只得十枱左右，等了約10分鐘才可入座！明太子釀雞翼（$48）雞翼已去骨，食得方便，而且燒得好入味呢！海鹽燒皇牌牛舌（$49）厚切牛舌勁爽口，鹽香鹹度啱啱好，一串得三片要爭吃呢！燒蜜糖墨魚丸（$26）外層香脆，內裡彈牙，蜜糖味很香濃呢！燒台式香腸（$26）去唔到台北，唯有燒條台式香腸止癮吧！牛油蒜蓉焗金菇包（$42）食完肉，當然要食菜！打開錫紙，即聞到牛油香呢！燒玉桂焦糖金菠蘿（$34）燒完都勁爆汁，唔乾身！埋單每人$115，抵食！

深宵食串燒已經成為一眾夜鬼族嘅飛忽 聽日同豬先生一齊放假 今晚唔玩夜少少點對得住自己啊晚上十時多 經過酒吧林立嘅寶勒巷 發現目標！係新開嘅串燒店「喜膳燒」豬小姐dinner後未夠飽又口痕 所以決定入去為食一番 gogogo！店鋪少少 但頗有格調 尚算企理 環境比較適合幾個人嘅小聚會食下串燒飲下酒食物選擇唔少呀 有兩份底面都有嘅menu！選擇恐懼症發作嘅豬小姐決定交比豬先生發板哈哈今餐有肉有菜有海鮮 相當唔錯！首先上場嘅係蒜蓉燒廣島生蠔 juicy嘅生蠔唔會燒到乾巴巴同縮哂水保留住海水汁嘅鮮味 加上惹味蒜蓉 先食蠔肉 後飲精華  $50三隻好抵！燒雞泡魚干上次係日本居酒屋試後一食愛上煙韌耐嚼嘅口感加上獨特魚香味 相當可口 用尼佐酒一流！偏硬嘅佢需要時間去咀嚼沙嗲燒原條魚肚認真惹味！魚肚軟腍吸味 完全吸收哂沙嗲醬嘅甜同微辣 咬落去仲會有沙嗲汁液滲出 好味！燒龍躉京蔥卷給人驚喜 京蔥已燒到半腍易咬嘅狀態而不失京蔥原有青澀味龍躉肉肉質爽彈 啖啖肉 兩者感覺配合 入口滿足海鹽燒脆雞皮燒至脆口 仲要係咬落去脆卜卜個隻 係好邪惡嘅脂肪！明太子釀雞翼賣相非常飽滿 雞肉肉質尚算嫩滑 明太子微辣更增添可口