梅光軒 (登龍街) (已結業)

大草同小草放假一齊係cwb拉麵街搵食，見到食間有得叫半份拉麵，岩晒小草個小胃子，決定一試。店內有位男士應該係店主，服務好好，非常有禮貌小草食左依碗半份的味增拉麵。細細碗，岩晒！食完仲可以試埋其他小食。拉麵上有好多大蔥，正！大草當然食全份的拉麵。試左人氣一番的灸燒五花叉燒拉麵，湯底都係揀左重口味的味噌湯。湯頭落左好多白芝麻，幾香。比起小草個碗，依碗就油多啲。不過多番半隻糖心蛋又唔錯喎！小草追加糖心蛋。轉套餐可以加小食，明太子雞翼，推介好好食！另外亦加左份日式煎餃子，大草推介食法，點白醋+胡椒粉，推介一試！

一向好少係香港食拉麵 , 但今日由友人負責搵地方, 所以先有機會黎到呢間餐廳。一入到去, 發現原來成間店一眼睇唒, 而我地只有兩個人, 所以就要搭枱食。 如果多幾個人食既話就可能要等下先有枱喇。坐低之後, 店員很快就遞上點餐紙, 才驚覺原來梅光軒係2017米芝蓮北海道推介食店由北海道開到黎香港, 一於試下佢有幾勁! menu 選擇其實唔多, 但吸引到我注意既係, 佢有 ''半份''!!! 呢樣野係香港真係比較少見, 也令人感覺好貼心-- 畢竟女生好多時都食唔唒, 叫''小麵''感覺又有d 蝕依家就可以有得簡喇!我地叫左個半份既醬油拉麵雖然係半份 但其實份量都唔少架 絕對夠飽可惜既係呢個拉麵係無溫泉蛋既 要食就要再另外點另外仲叫左個生薑醬油拉麵由於呢個係期間限定, 所以冇半份嗌, 但個碗真係比半份既大一半架! 味道方面, 呢個拉麵好適合女仔食事關生薑湯底十分暖身 至於麵同料方面, 其實大至上都同醬油拉麵差唔多 小食方面就叫左呢個兩件既明太子雞翼加汽水套餐一咬開, 入面真係充滿唒明太子架 十分足料!如果喜歡明太子的不妨一試整體黎講 野食都算不過不失  但又未去到米芝蓮咁好味而且地方比較細 

星期六放個靚半日☺️ 一條友去食好西先登龍街係岀唒名嘅拉麵街 之前都有去食下拉麵今次食嘅係來自北海道嘅梅光軒北海道本店起2017就攞左米芝連啦 等我試試佢🤨叫左半份鹽味拉麵 $58 加左隻溏心蛋 $10 同兩隻明太子雞翼連可樂 $28其實半份已經夠女孩子食 我再加雞翼 係為左試下佢😂😂拉麵係攣攣地架啵 比較淋身係鹽味湯底關係 所以較清淡 我加左啲拉麵胡椒 吊一吊味叉燒一大塊偏瘦的 不過唔韌👍🏻蛋蛋係流心der 大愛呀💓好多蔥花 好正☺️明太子雞翼 堅多明太子 好香雞翼外面香脆 裏面多肉汁 👍🏻💓店員禮貌非常好 舖仔細細 人多時要店外等一等喔🙈