金華冰廳

营业中

休息中

每次係太子剪完頭髮都唔想諗食咩，見附近有間茶記就咼朋友入去醫下肚。間茶記真係好多人，特別多遊客...可能係內地好出名？好彩我地肯搭枱所以唔洗等實在太肚餓所以叫左個菠蘿油食住先😋不過都幾失望...可能多人？所以個包唔熱，最過份係牛油得半塊！好彩個皮係脆既，如果唔係真係唔想食另外我地自己叫左個炒野食，我叫左星洲炒米，都幾好食，有鑊氣，唔會太油我朋友叫左西式炒通粉，我記得我上次食好濕，成碟有水出咁，今次食又okay咼！唔濕，蕃茄醬好掛啲通粉，食落好濃味，酸酸甜甜好食！餐茶我地叫左凍奶茶咼凍檸茶，正常港式味道，無特別，好飲基本上係一間食物合格既茶餐廳，服務就唔好提，無俾人鬧已經算好彩😂成店啲姐姐都好燥底，而且實在太多人，如果想舒舒服服咁坐就唔好黎依間食，快食個lunch就岩晒。

今日下午我們去咗太子弼街嘅「金華冰室」食下午茶！我們叫咗得獎菠蘿油、鷄扒菠蘿包、五香鷄翼兩隻配酥皮蛋撻一件同星洲炒米！得獎菠蘿油同鷄扒菠蘿包嘅包質相當香甜鬆軟，菠蘿皮非常香脆，熱烘烘嘅菠蘿包夾住一件冰凍嘅鮮牛油一齊食，真係超好味呀！另外夾住一塊嫩滑嘅鷄扒同新鮮生菜蕃茄一齊食，有鹹有甜，感覺好特別同惹味！五香鷄翼兩隻配酥皮蛋撻一件嘅鷄翼非常惹味香口，肉質好軟滑，而且唔會好油膩，酥皮蛋撻嘅酥皮相當香脆酥化，鷄蛋係熱辣辣㗎，而且非常滑溜溜！星洲炒米炒得極之乾身同鑊氣十足，材料非常豐富，賣相好色彩繽紛同吸引！