錦麗 (德福廣場1期)

营业中

休息中

係香港食過好幾間越南菜都覺得好似唔太岩食，今日男友話想試下呢間，即管試一試，但係食完令我對越南菜有d改觀。今日食既時候都已經係下午茶時間，一人叫左一個餐同兩款小食。跟餐叫左杯咸檸檬青檸梳打，味道唔錯，不過唔記得左少甜。呢個春卷算係皮薄餡靚，上枱一陣仍然熱辣辣，炸得好脆香芧豬扒撈檬，豬扒好大塊，食落香嫩，如果記得走埋花生會食得更開心，我已走左青😬檬粉唔係凍冰冰，有魚露加埋幾好食。牛油雞翼真心好味，香噴噴，唔厚粉，雞肉保留嫩滑口感，幾juicy的💓

九龍灣都有唔少東南亞野食。今晚約咗個friend食呢間幾出名既「錦麗」。平日夜晚唔算太多人，唔使等位就獲安排入座。餐牌選擇分3大類:牛肉粉、小食、飲品。我地叫左生牛肉河粉、錦麗綜合河粉。好鍾意飲佢個湯，多幾淡都唔會覺得口渴。配料（如：芽菜、辣椒、青檸）另外用一個小碗裝載，要吾要自己有得揀！ 啲粉既份量幾多，大胃王實like！略嫌牛肉唔夠多，食起黎唔夠個引～小食方面，我地order 咗春卷同埋大蝦扎肉米紙卷。OK wor，2個人2款小食剛剛好！而飲品就叫左特飲（唔記得嗰名），好爽好清涼，係甜咗少少姐。喺呢個商場食飯價錢中上。難得搵到滄海遺珠，無論價錢、味道、服務都令人滿意。如果俾錢加埋信用卡payment就更加方便。會再幫襯！

我覺得錦麗的綜合牛河水準只屬一般：生牛肉算軟滑，熟牛肉則頗肥膩，牛丸彈牙肉味濃，但河粉略厚，湯沒有味精，卻十分油膩而且並不好喝。雖然每位客人都有一杯香葉和芽菜，可惜湯又不夠熱。如果這兒以牛河做主打，對我而言，實在毫無吸引力。不過，我很喜歡這兒的春卷，皮薄又香脆，最重要是有地道的味道。大蝦札肉米紙卷也做得不錯，包滿食材，真材實料。餐廳在商場內，座位不算舒適。侍應的服務態度也可以。

又到中午時間, 每天我都會好認真研究下食咩對自己好D今次想食下越南野, 所以決定同同事2個人去試下食呢間錦麗餐牌的款式選擇唔算好多, 都是大路在越南鋪見到的東西首先我呢杯椰汁涼粉冰上來, 椰汁味道OK, 唔會太淡, 涼粉是一條條的我叫了的牛丸粉也不錯, 牛丸好"juicy"原來食粉都有次序, 要首先飲啖湯, 再加D九層塔落去先再食同事要的生熟牛肉粉都OK, 不過生牛肉好食過熟牛肉, 早知只要生牛肉碗粉少餸了點, 另外再叫2個小食: )春卷幾好食, 不過咁樣4條就收我$38.....最近要食多D蔬果, 所以點了個素菜的米紙卷味道一般, 當然無牛肉卷、雞肉卷咁好食啦, 不過以素菜卷來講, 都算係幾好食的了