旺泰特食

营业中

休息中

西貢呢間泰菜小店已經食過幾次，每次嚟都好多人，價錢喺西貢嚟講唔算貴，不過環境、同座位就麻麻地，如果對環境有要求嘅朋友就唔建議嚟。星期六下午1點嚟到，啱啱好唔駛等位可以入座。泰式小食拼盤 $178魚餅似係自己整，食落有彈性、內有新鮮白豆角、味道偏酸、幾濃香茅味。😋蝦餅一般，其他餐廳會好味過佢。串燒三串都係雞肉，唔會燒到好乾好鞋，仲有少少汁，呢個有驚喜。😯春卷個色深左D，但無燶味，內餡有芋頭、肉碎。菠蘿炒飯 $63定$65餐牌無寫咩料炒，原來係雞粒；雞嘅分量唔多，而且無腰果，不過呢個價錢，可以接受。飯粒炒得算乾身，食落有明顯咖哩味。大蝦炒金邊粉 $63定$65每次嚟都會點金邊粉，不過今次炒得濕左D，但好彩味道依然保持到。橙色得嚟又唔會有茄醬味，而且仲有少少鑊氣香🤤。木瓜沙律 $58少見會落小紅蝦嘅木瓜沙律，但略嫌落太多生豆角，同埋甜度差少少。無骨鳳爪 $68呢個汁對我嚟講幾辣，但夠惹味。小店無加一，只收現金，埋單共$432。

船河之後，約埋美女食晚餐，西貢泰國菜出名！走入大廈揀了呢間，大廈地下，有室外有室內位置，普通摺枱摺櫈，室內有冷氣，所以揀室內，兩個女仔唔食得多，叫幾樣分享！海南雞飯：雞肉無味，全部靠個汁調味，咸咸地微辣！油飯唔夠濃，一般！豬頸肉飯：燒豬頸肉香口，幾煙韌，不過唔係即燒，所以唔夠油香！同雞點同一款醬汁！都係靠個汁！木瓜沙律：豆角太生有草青味，唔辣，酸味又唔夠，木瓜爽口之外！味道一般！龍眼冰：味道清甜，龍眼肉多兼幾煙韌，唔太甜！好味！跟飯清湯：味道清甜，芫茜味道好香，蘿蔔無筋爽口，重要非常熱！正！食物一般，服務就勤快，店員廣東話好好，溝通無問題！

在西貢吃過美味的麵包作下午茶，已有肚飽的感覺，可是饞嘴的我依然對酸酸、辣辣、香香的泰式醬汁有所念掛，勢要在回家前一嚐這番滋味不可。想不到將我的意慾提出後，就連 "尾尾"、"油雞安" 和 "野蠻女友" 也陪我鬧著玩，即時感到擁有志趣相投的朋友是何等重要。每一種菜式也有其獨特之處，在泰菜當中，無論是沙律、串燒、炸雞、豬手、海鮮，以至糯米飯、魚蛋粉也離不開醬汁的份兒，醬汁於泰菜就像公不離婆、秤不離陀一樣。泰國醬汁的烹調實在引人入勝，味道集酸、鹹、辣、甜、苦之五味，純熟地運用羅勒、薄荷、指天辣、蒜頭、青檸、生薑、香芧、胡椒、酸柑、荽茜、魚露等香草與佐料，每種醬汁均能匯合出五味平衡，兼具惹味與香氣的特質，誘人的程度往往達到靈魂的級別，有時也分不清，究竟我是被主食，還是醬汁深深地吸引著。總得來說，若泰菜欠缺了百變與誘人的醬汁，食材如何美味也是徒然！旺泰就在西貢小巴站旁的小商場內，那裡隱藏了不少食肆，地點方便易尋。旺泰在小房間內擺放摺檯、摺凳，氣氛跟大牌檔接近，平實又親民，可自行帶上幾罐啤酒，平民飯餐亦可樂在美食與美酒之間。每次到旺泰，也愛看到來港多年的侍應姐姐，臉上總掛著泰式的親切笑容，亦為一樂也