漁樂 (已結業)

留意呢間漁樂,同另一集團式既同名系列係唔同架!長洲呢間漁樂,係一間好本地風味既小店。鋪頭細細,座位不多,只容納5枱客左右,所以要食既話,記得預鬆D時間黎等位!是次來訪,預好時間捕住佢開門,成為是日佢第一個客人,yeah~食物既選擇唔會太多,其實主要都係5款左右既炸時令長洲本地海鮮,不時不食,貴精不貴多。反正當午餐,一於全部炸海鮮都叫晒:墨魚厚切,去骨麟魚,日本炸蠔,本灣海赤米蝦即叫即炸,全部熱辣辣上台,新鮮香脆,正﹗全部既炸物,炸粉都唔會太厚,薄薄的炸粉,香脆酥化,又唔會好油好膩,墨魚彈牙煙韧,魚仔骨脆而魚肉鮮美,炸蠔新鮮juicy,赤米蝦香脆咸鮮,樣樣都配住沙律醬,檸檬,又有提子,食得好開胃!而且老闆Marco好好人,好熱情款待!仲送左杯冰凍啤酒俾我地飲,凍啤酒配炸海鮮,慢慢嘆慢慢飲慢慢食,享受慢活,簡直chill爆!黎長洲,呢間絕對係其中一間必食推介﹗不過要注意佢逢星期三,四休息架,唔好摸門釘呀~

趁放假入長洲慢活下，好好感受小島嘅人情味🥰長洲有好多特色小店，嘢食嘅種類又多，好啱放假入嚟掃街😋周圍行嘅時候見到呢間用幾個汽水箱疊埋做枱櫈，佈置幾特別，而👦🏻又食厭咗海鮮餐廳嘅海鮮，就決定入去試吓，呢間主打本地即炸海鮮小食🤤本灣海赤米蝦($60)老闆娘推介呢個，話每年得兩造，的確無介紹錯！細細隻嘅蝦🦐炸到好爽脆，鮮味加上有陣咸香，好惹味，送酒一流😍餐廳仲有賣手工啤，不過今次無試到😉去骨鱭魚($60)另外叫咗份炸魚，份量幾多，有六七條🐟，炸粉好薄，魚肉幾鮮甜嫩滑，唔會炸到太乾，美中不足嘅係雖然已經去骨，都仲有唔少骨🙈食嘅時候要小心啲環境﹕7.5/10抵食﹕8/10味道﹕8/10

聽講呢間係長洲好出名 佢係專食海鮮炸物嘅 佢嘅海鮮都係來自本地嘅海產 全部都係即叫即炸 唔知係咪真係咁好食呢😚👅本灣海赤米蝦 $60呢個赤米蝦炸到卜卜脆🦐所以可以連殼一齊食 啱晒唔鍾意剝殼嘅男小編 佢嘅調味好充足 用嚟送酒一流 有啲米蝦仲食得出佢有蝦膏添 好正😋👅墨魚厚切 $60上枱嘅時候個墨魚熱辣辣 同埋真係幾厚切🤩仲要咬落唔會好靭 炸粉唔會太厚 調味啱啱好 幾好食🤤呢間餐廳嘅老闆好熱情🥰仲請我地飲啤酒添 再配埋啲音樂 好chill😛再加上呢度嘅小食好高質 大家嚟到長洲一定要試吓‼️😋 好味：8.59/10🤑 價錢：7.89/10🤗 服務：8.32/10😝 環境：7.65/10😚 衞生：7.49/10🤩 整體：8.51/10

是日小食:-本灣海赤米蝦-鮮味魚仔湯只要行長洲碼頭的一條街, 好難唔發現呢間舖頭; 舖頭的枱仔由汽水膠盒組成, 成間舖頭都感覺好chill!老細會用IPAD介紹有咩食, 8成係炸物, 總共有6款野食,同4款野飲.-本灣海赤米蝦原本想食"去骨鱭魚",因為未聽過鱭魚; 但睇到相的時候, 忍唔住要左份赤米蝦!炸到好香脆, 調味亦都岩岩好, 略帶少少咸, 同炸蝦好夾!因為赤米蝦蝦殼好薄, 炸完連蝦殼食都得!嫌齋食會好寡,旁邊有檸檬汁同沙律醬作調味!-鮮味魚仔湯據老闆娘講, 已經有半年無做過魚仔湯, 因為D魚仔好細條, 買唔落手, 應為魚仔太細條係應該唔好捕獲魚仔湯裡面有蔥花同紫菜, 魚仔湯好鮮甜, 而且飲落去, 身都暖晒!總結:蝦同魚仔湯都食得出好鮮甜, 亦都食得出老細揀既時候好用心;老細好中意同人吹水, 不過臨走的時候, 老細講左句,"肥仔下次再黎呀", 我就有少少唔係幾開心...

知道依間係黃店又有咁多人推介就去試下！鋪頭老闆係環保份子。。充分重用紙箱俾客人放袋。。又用運玻璃樽既箱疊埋做枱。。又靚。又特別。又環保👍👍👍老闆娘對每個客人都好用心咁介紹有咩海鮮！最後叫左本灣海赤米蝦&墨魚厚切！雖然一早就知依2份都係熱門，但係黎到再食埋都仲有驚喜！墨魚真係好厚，咬落好軟滑，好鮮甜！個蝦仲正，炸得好透，入到口完全feel唔到“頭係邊 尾係邊” 總之就好似薯片咁“趙”就係！仲會忍唔住。。一隻接一隻！最重要係唔油，唔厚粉👍👍😋😋無叫到野飲。。老闆好好人咁送左杯啤酒俾我地飲，又傾左2句（正值好忙碌既時候）！為表支持就叫多杯玄米茶。。話無糖真係無糖👍👍👍！