Bubble Tree (成業工業大廈)

营业中

休息中

觀塘工業區實在有太多隱藏美食了  今天要介紹的餐廳一直在我必試清單內 因為聽好多FOODIE朋友講 佢地食物質素好正 今日就帶埋大小姐去試下 大小姐好中意食青口 所以佢揀左藍青口蒜香白酒忌廉汁意粉 擺盤好靚 意粉軟硬度適中 配上香濃的忌廉汁 太好味了 青口煮得剛剛好 PERFECT 而我就揀選了日本飛驒牛漢堡滑蛋蓋鐵板拌飯 唔好睇少依個飯 嫩嫩的滑蛋蓋在熱熱的飯上 再沾上黑椒汁來吃 好食到唔知用咩字去形容 而牛漢堡外面煎到香香脆脆 裡面充滿肉汁 非常JUICY 面層再撒上芝士碎 是一道絕不馬虎製作的美食 忘了講這邊的午餐都有餐湯 還讓你自己選 我們就點了南瓜湯 煮得很綿滑的南瓜湯 真是很好喝哦 吃飽了主菜當然少不了甜品 心太軟配雪糕 暖暖的心太軟蛋糕 拌上冰凍特雪糕 再沾一點忌廉 太豐富滿足的一餐 在觀塘區工作的你們太有福了 可以常常來這裡吃美味的午餐  如果你們有其他好介紹記得告訴我哦

同媽媽喺平日嘅下午嚟到呢間位於工廈嘅餐廳，本身以為1點半去到應該冇咩人，點知直到2點半都仲係好熱鬧！可能因為性價比真係太高喇～吸納咗唔少喺附近返工嘅上班族🤤✨✍🏻 /吉列豬扒漢堡▫️熱情果梳打+HKD28▪️價錢：HKD68▪️美味指數：♥♥♥♥♥望到呢個吉列豬扒漢堡真係「嘩」咗一聲，因為塊豬扒大塊到好似去鋸扒咁，而且啲肉唔會炸到乾噌噌，上面仲有啲咖哩醬，食落似日式風味！漢堡配有炸薯條同沙律菜，超滿足！至於飲品就推薦呢杯熱情果梳打，會附上半個真嘅熱情果畀你自己倒落杯，亦另附上半樽梳打水畀你自己添加，配吉列豬好爽😚✨✍🏻 /藍青口蒜香白酒忌廉汁意粉▫️朱古力咖啡 (+HKD8)▪️價錢：HKD98▪️美味指數：♥♥♥♥♡蒜香、白酒同忌廉汁，相對下，忌廉汁味道較重。而藍青口份量頗多，如果酒味再重啲就更正！又叫咗杯我最愛飲嘅朱古力咖啡，加咗少少曲奇碎，個心心拉花好靚，飲完精神到第二日🥹✨✍🏻 /法式草莓甜薄餅配雪糕球▪️價錢：HKD38▪️美味指數：♥♥♥♥♥熱辣辣嘅甜薄餅，中間夾住草莓醬，夾埋有朱古力粒嘅雪糕一齊食，冰熱交融。一份仲有兩件甜薄餅，出面應該都要HKD6x，所以呢款甜品真係好味又抵食💯✨

今日一個人想輕鬆自在地嘆杯咖啡，捐窿捐罅又俾我揾到間好嘢食！呢間Bubble Tree 屬於自助形式嘅cafe店，而且個自助bar仲好乾淨！我去到其實已經三點鐘左右，入面仲有好多人食緊嘢，即時我覺得自己揀啱咗👍🏻☕️朱古力咖啡呢杯Mocha真係好襯我貓大人，杯邊有隻好可愛嘅貓喺度等緊我，飲入口香濃嘅朱古力味爆發出嚟，之後就有淡淡嘅咖啡餘香徘徊喺我喉嚨中，呢個比例喺我人生中飲過最好嘅Mocha，而家又唔會太甜！回味無窮😋🥗田園素菜沙律配牛油果大大碗沙律菜加上半個牛油果，完全唔吝嗇😍而且沙律菜好新鮮，口感好爽脆！啱哂我哋呢啲少食菜嘅都市人！🍽日本飛驒牛漢堡滑蛋蓋鐵板拌飯滑嘟嘟嘅蛋包住有機紅米飯，營養豐富！而飛驒牛漢堡切開後，完全唔覺得好油，入口甘香牛味濃，而且仲好juicy呀😋食完令人回心微笑😊飯旁邊拌住粟米粒，食到多一重口感！只可惜我覺得個汁就有啲甜，如果無咁甜就完美喇😍