糖宮甜品專門店 (積信街)

营业中

休息中

食完晚飯嚟到大圍呢間有貓店長而且性價比高嘅甜品舖😻入門口就已經見到有隻懶訓貓訓到扯晒鼻鼾🙊鋪頭有上下兩層，我哋平日夜晚10點黎到地下個層已經坐滿晒，好彩座位數量充足，仲有上層可以坐😄食住甜到入心嘅甜品，又可以摸下隔離貓貓🐈‍⬛心情即刻放鬆同好治癒☺️不過要小心對待佢地，唔好造成騷擾同亂餵野食比貓貓啊😌🧇芒果窩夫伴雪糕 $50 (😸😸😸😸)熱辣辣嘅窩夫外皮口感好鬆脆，內裡軟熟😆外層金黃色而擺盤砌成三角形，十足十一個金字塔咁，都幾有心思😆(個店員行樓梯搬上黎都冇冧算幾穩😂) 芒果肉係另外跟上，比客人自己揀淋上面定分開沾嚟食☺️🍫朱古力心太軟伴雪糕 $62 (😸😸😸😺)心太軟個主角當然係朱古力！夠濃郁已經加分🤤一切開個心太軟啲朱古力就流心咁流出黎😆而且仲配兩種雪糕可以揀，值得一提嘅係個綠茶雪糕好濃郁，唔錯架☺️🍍菠蘿酥皮卷伴雪糕 $56 (😸😸😸😺)一咬落口個酥皮好脆😆每一卷都有好大舊菠蘿夾係入面，材料無偷工減料☺️如果啲菠蘿肉甜多少少會更好😌服務：😸😸😸😸環境：😸😸😸😸回頭：😸😸😸😸打卡指數：😸😸😸整體評分：😸😸😸😸價：～$60/per person📍 糖宮甜品專門店 (積信街) (大圍)大圍積信

行經大圍， 好想試一試甜品， 卻被貓店長的甜品店吸引了。 就算是外賣， 都要試下啦💕。 （5⭐️最高）椰皇燉蛋白（熱）（5⭐️）$58好幼滑， 熱暖暖地， 入口即溶🤩， 我仲食埋內裡既椰肉， 非常有咬口， 而且爽甜🤩阿華田奶凍（5⭐️）$34奶味濃郁， 而且層次分明， 阿華田在面層， 而底層有香滑奶凍， 甜度適中😘😘。 好味抹茶紅豆奶凍（5⭐️）$36搽茶味比較偏重🤤， 而且紅豆🫘煮得好冧身， 同樣層次分明， 而且入口即溶化😍。朱古力心太軟伴雪糕（曲奇、綠茶雪糕）（5⭐️）$60心太軟焗得岩岩好， 朱古力味濃， 而且做到流心效果。 面上加了彩色珠珠， 外觀非常吸引。 有雲呢拿、朱古力🍫、曲奇🍪、芒果🥭及綠茶🍵5款雪糕可以選擇。 我最喜食綠茶味， 茶味濃而幼滑😍nice.

今晚中秋月團夜.剛剛在大圍富記食完月團飯.仔仔話要我帶路去大圍糖宮食甜品.剛剛食飽飽.應該係時候要消化吓.於是決定慢步踱步慢慢行過去.經過大圍火車站再經過市中心到達積信街糖宮甜品專門店.聽講呢度有貓店長駐場.間舖唔算好大.但坐得舒服.還有黑色旺貓店長陪伴.其他正在近廚窗位置正在睡覺.呢度最出名的是榴槤甜品.所以不妨試吓！今晚選餐如下： 1. 朱古力心太軟雪糕. X1 $60元 配雲呢拿雪糕/曲奇雪糕 2. 榴槤椰椰. X1 $68元 3.波多野結冰（透明人間系列）X1 $68元

呢間糖宮甜品係我食過最有心整甜品嘅舖頭之一，而且價錢唔算貴，希望佢可以開多d分店啦🤪唔講咁多，去相先呢個椰皇燉蛋白又熱食同凍食可以簡，岩晒我呢d 鐘意食椰皇燉又怕天時暑熱要食熱野嘅我可以簡個凍食，而呢個凍嘅椰皇燉蛋白仲有焦糖喺面tim。波多野結冰係菠蘿綿綿冰再加菠蘿西米露組成嘅，菠蘿綿綿冰食得出係用鮮菠蘿製成嘅，唔會食到人工添加劑嘅菠蘿味，再加上用左半個菠蘿作為容器，打卡影相一流😄最後係即叫即製嘅朱古力心太軟，細細粒嘅心太軟一切開就流出濃濃嘅朱古力醬，而味道亦相當唔錯。同場加映勁清甜嘅椰青水，唔知道係咁岩呢個椰青真係咁甜定係買手簡貨好，呢杯椰青水係我飲過最清甜嘅椰青水之一。