影片
以上资料只供参考，请与餐厅确认详情
相关文章
大围好多甜品店，但呢度接近满座，甜品糖水选择都好多，椰皇系列、中式糖水、布甸、雪花冰、窝夫等等，仲有猫店长坐镇🌟芒果🥭拿破仑拿破仑卖相几靓，酥皮好香好松化。上层放有芒果粒，中间夹住吉士酱，酥皮沾吉士酱好食🌟朱古力🍫心太软伴雪糕个心太软朱古力味好香浓，又唔会好甜，雪糕球拣咗曲奇味，朱古力酱好澎湃，冻冰冰雪糕冰火交融~🌟椰皇榴梿雪糕小丸子椰皇装住炖奶，椰香同奶香都好重，榴梿蓉超级香，加埋榴梿雪糕双重榴梿🌟爆芒芒果布甸、芒果、金柚、爆爆珠、寒天粒、小丸子、芒果汁 & 雪糕。芒果爱好者必叫，滑又有奶香味嘅布甸，金柚酸味清新同爆爆珠嘅口感，真系好fresh，味蕾大满足
继续阅读
第一次嚟食，见到之前网上都有介绍，都几多人嚟食，就尝试吓。点知一试就中伏，一入舖头有一位女店员年纪比较大的，以命令形式安排座位以及叫我们一次过落单。听起来就很不舒服。然后叫了一个佛系芋圆，芋圆质素比较较差，细粒和比较硬。外貌亦都唔系好靓。另一个叫了肉桂香蕉窝夫伴雪糕完全没有玉桂味，香蕉出奇地小得可怜，只有旧头的部份，就像半只手指那么长，很没有诚意。总括而言，来一次就够了。但是这里的猫猫是很可爱的，他们是无辜的。
继续阅读
因为逢晚上都很多人几乎每次去都是外卖一家三口都各有所好原只椰子类最出色今次难得下午来到可堂食但见没有椰子原来刚好今天没有只好点了华华雪糕可另选曲奇配脆脆，布甸和西米口感极佳还偷偷撸了猫店长
继续阅读
大围真系好多甜品店，呢间之前身边朋友推荐过，座位不多，但7点半已经满座，好收欢迎喔！ 研究一轮后终于知点解咁多客，特色甜品最贵都系6x，大部分都系2-4x，真心抵👍用左200松就食左4款甜品…大癫椰皇炖蛋白 $60呢个有惊喜，炖蛋白好滑，又可以食到椰肉，呢个价钱收货，性价比高。榴梿飘香$52榴梿爱好者必试！榴梿果肉几甜，仲附送一球榴莲雪糕。🍍菠萝酥皮卷伴雪糕$56见好推荐就试下，酥皮超薄，即叫即整好食，但菠萝酸左D。🥭芒果窝夫伴雪糕$50呢个好平，平时食起码7x，窝夫不太甜，仲有芒果粒同芒果雪糕，掂👍
继续阅读
大围其实有好多甜品店，不过本人食甜品一向钟情椰皇炖鲜品😍 知道呢一间出名食椰皇炖蛋白，再加上有两只猫店长🥰超喜爱动物嘅我当然要去朝圣啦❤️食过好多间甜品店嘅椰皇炖品，其实味道都好千篇一律，好多时都系不过不失！今次去试食之前，本来都没有抱太大期望😅纯粹谂住食甜品又可以玩吓猫！点知居然喜出望外😍炖蛋白用上了椰皇水令椰香充斥整个蛋白，而且椰皇水本身嘅清甜刚刚好，好适合不喜欢太甜嘅香港人味道😋椰皇肉亦炖到好腍，可以轻易刮出嚟食😋真心值得推介👍🏻本人强烈建议热食👍🏻👍🏻才可以将椰子的清甜和蛋白嘅香滑表达得淋漓尽致😍🔴🔴爱护动物嘅我有少少意见😅希望店主可以小心照顾猫猫，因为我食紧甜品期间见到猫猫走出马路，甚至捐喺车底😱甜品店对开嘅马路车来车往非常牙烟！搞到我一路食一路担心睇住猫猫😭
继续阅读