Godiva Chocolatier (海港城) (已搬遷) 新店位置

Godiva呢間野既朱古力都幾出名，多人好評，佢出左雪糕都幾耐下，當然唔係平啦，50蚊杯呀大佬，最低工資係幾多呀，辛苦成粒鐘都唔夠比呀！食完識飛架？如果係咁好食，咁都有得考慮考慮。唔講咁多，咁*貴，緊係試左個最多人好評既雪糕啦，唔係好大杯，賣相幾好，筒底夠脆，朱古力滑、香，雪糕底好夠朱古力味，唔大甜，軟滑，屬上等，50蚊杯喎！買到半打甜筒啦特價果時！食到底都有雪糕，唔係空心，算係咁啦。總括黎講，係好好食！但50蚊就見人見知，就算買一送一都要考慮考慮。