泰小子 (已結業)

年尾嘅日子當然要食甜品慰勞下自己🥰食咗三個甜品同一杯嘢飲朱古力香蕉煎餅$35由於外賣關係攞到返嚟已經凍咗，試左夠凍食，味道的確唔出， 所以攞咗去微波爐叮叮。 叮完即刻聞到好香朱古力味，食落朱古力同香蕉味都balance，亦唔會太甜。 外皮少少煙韌， 配上香蕉片嘅柔軟，口感都算豐富。 但係鮮奶麻薯就冇咁出色，令人有啲失望。佢嘅麻薯冇出邊咁煙韌，唔做到類似拉絲咁嘅效果。相反好似食緊奶凍咁少少失望。綠茶紅豆鮮奶麻薯 $35紅豆份量算多但係我覺得有啲太甜，綠茶味重但係佢係用綠茶粉配麻薯嘅，食落就好似食緊啲砂粒咁樣，小小奇怪。大甲芋泥鮮奶麻薯 $35呢個比起綠茶味好食，甜度適中，都食得出芋頭味同埋紫薯味，同牛奶麻薯幾夾，味道比賣相高分。我飲咗佢哋嘅熱泰式奶茶 $28同我係泰國飲嘅味道一樣🤣🤣

餐廳：泰小子地區：屯門地址：屯門青河坊3號利寶大廈地下3號舖日期：2021.09.18時間：14:00人數：2人 等位： 只有外賣價錢： ＄53之前已經食過佢嘅Nutella榛子醬香蕉煎餅覺得超正，今次再試下佢嘅朱古力香蕉煎餅，跟餐加埋飲品就$53。佢啲煎餅係即叫即整，表面煎得勁香脆，內裏啲香蕉分佈平均，佢切好嘅每一口都食到香蕉🍌，加上佢足料啲朱古力粉同醬，食落真係好正好滿足😋飲品亦唔馬虎，佢嘅泰式奶茶都幾好飲，又唔會好似係泰國飲咁勁甜，值得一試！👍🏻