Oink Square Coffee & Crêpe (已結業)

唔行開佐敦唔知，原來附近有一間勁溫馨既韓式三文治外賣店舖頭既三文治全部都係即叫即整，而且非常足料，價錢重好親民添為食貓本身朝早想去隔離買燒賣😂結果見到d肥嘟嘟三文治就決定轉軚🫣泡菜五花肉三文治 （5/5）$42 推介 呢個三文治真係好好味😋估唔到泡菜五花肉可以同三文治咁夾不過就偏辣少少另外個三文治入面爆多餡，除左有勁多泡菜五花肉之外，重有生菜、蕃茄、牛油、芝士‼️早知買半份就夠啦😂而且佢個三文治重有烤過，睇得出老闆好用心去整👍🏾西班牙白豬午餐肉三文治（4/5）$38呢個三文治嘅午餐肉唔係出面普通罐頭午餐肉，而係勁厚嘅西班牙午餐肉，食完呢塊午餐肉已經夠哂飽Caffe latte + 柚子梳打 （5/5）呢兩杯嘢飲都唔係太甜👍🏾幾好飲而且啲柚子好多，一d都唔孤寒為食貓見到佢個menu重有其他小食，例如：可麗餅，下次為食貓黎開佐敦，都會想試下不過，係未試過其他野食之前，為食貓強烈推介大家去試下肥嘟嘟三文治支持一下d用心製作食物既小店

今日去佐敦工作經過德成街發現一間白色簡潔既韓系三文治咖啡店，玻璃櫃內放左好多脹卜卜又肥嘟嘟既三文治，當下立即肚餓😬細佬咁岩又喺附近工作中，決定買二份同佢開心分享🫠食物主打係肥嘟嘟三文治🥪，其實仲有小食同可麗餅選擇而且款式都不少🤗飲品方面有咖啡外，仲有鮮奶特飲、梳打同鮮果/乳酪梳打提供🥤雪櫃內仲有支裝飲品可以選擇。泡菜五花肉肥嘟嘟三文治$42韓式三文治當然唔可以不選韓國口味，脹卜卜入面有泡菜、五花肉、蕃茄、芝士仲有大量生菜同秘製醬汁🥬泡菜配五花肉係絕配，泡菜微微的辣解除了五花肉的油膩感，加上蕃茄芝士既香味再配合超爽脆既生菜，口感味道都好正🤭吉列炸蝦肥嘟嘟三文治$50炸得香脆既吉列炸蝦🍤芝士、蕃茄、紫椰菜再加大量生菜同秘製醬汁，口感超豐富🤤三文治有炸物真係特別開心，又有大量生菜感覺健康又可以平衡返每餐既需要😊蜜糖芥末薯條 $28我對蜜糖芥末四個字是沒有抵抗力的，可以即刻加個蜜糖芥末薯條高興一下😂大大條薯條加勁多蜜糖芥末醬，唔駛三分鐘已經比我地K.O左，真心讚一讚個包裝👏🏼盒子包裝加開窗蓋面，除左好拮外唔會焗淋個薯條，食既時候仲係條條脆口柚子梳打 $38落雨既日子比較納悶，梳打系列絕對幫到我

放工做到頭都塞晒😟，所以行咗出去佐敦散下心。第一次行經德成街發現原來呢頭都有唔少餐廳，不過毒毒一個就無癮坐低食吧。反而轉角間小店「Oink Square Coffee & Crêpe」吸引到我。店舖細細，主力做外賣生意🥡。佢主打三文治同飲品，好適合做早餐同午餐。不過呢排我無乜胃口，夜晚想食得輕盈啲，所以都啱食。泡菜五花肉肥嘟嘟三文治($42)，叫得肥嘟嘟🐽，就證明三文治非常厚身，好足料。每份三文治嘅基本配料包括蕃茄、生菜、紫椰菜同芝士等，夾夾埋埋好色彩繽紛。🌶呢款泡菜味好突出，爽爽的，酸辣度顯著，食一啖已經好醒神！火腿蛋肥嘟嘟三文治($36)，🥚火腿蛋係最經典嘅三文治口味，但只要整得好食都同樣有驚喜。雞蛋有兩種，分別係烚蛋同炒蛋。我自己其實比較鍾意呢款，因為秘製醬汁幾惹味，冇咁濃烈😉。另外值得一讚嘅係麵包本身幾鬆軟。柚子梳打(原價$34)，嗌三文治可以用優惠價$17加配$34或以下嘅飲品🥤。其中一杯要咗柚子梳打🍊，佢加咗好多柚子蜜沖製，味道唔錯。熱焙茶鮮奶特飲(原價$33)，Hojicha Latte好正🍵，口感細滑，甜度適中，而且滲透出經烘焙過嘅茶香，直到寫文呢刻都令我念念不忘🤤。總