金蘭花泰國菜館

营业中

休息中

平時來這裡，因時間匆匆，多數食午餐，今天除了叫了一客午餐外，還點了泰式拼盤和柚子沙律。泰式拼盤有香葉包雞、蝦餅、春卷和串燒沙爹四款食物，蝦餅爽口彈牙，沙爹串味道好惹味，雞肉嫩滑多汁，但春卷一般，香葉雞炸得乾了點，有待改善泰式沙律清新美味，是最適合夏天的食物，有頗多的柚子，還有新鮮菠蘿，加上腰果的香口，很和味

九龍城一向予人有好多泰國菜嘅地方。適逢星期六經過此地，所以諗住都搵返間泰國菜館食晚飯。因為假期關係，好多食肆都人頭湧湧，全部都要等位。行到來金蘭花，見到有幾個party等緊位，以為都要等一陣啦，點知幾分鐘之後就可以入座。因為晏晝下午茶完，所以諗住叫咁多肉類，恐防太飽！首先點之前食過嘅柚子沙律，有點左一個炸雞同炸豬手，另外一個馬拉盞通菜。首先柚子沙律，個人認為係咁多個菜式之中最好，非常醒胃，材料新鮮。可惜漏咗單，前菜變咗最後先上。兩個肉類，炸雞同炸豬手炸得都偏乾，唔合乎我本人口味。不過點炸豬手，送啤酒或汽水兩支。馬拉盞通菜就正常啦，如果怕咸就唔好叫。以咁嘅價錢，我覺得OK啦整體！

呢排熱到噴火，同朋友游完水想搵啲開胃香口野食，卒之揀左佢屋企附近既泰菜館。有酸酸甜甜清新開胃既柚子沙律做前菜，入面有泰國金柚、菠蘿、蝦米同腰果撈秘制沙律汁，"泰"好feel。食肉獸必點炭燒豬頸肉，外層焦脆，內層充滿肉汁，彈牙爽口，點埋秘製泰式辣汁好好味。食肉獸以沙嗲串燒雞同牛延續落去，炭烤好香口，肉汁完全鎖住，點沙嗲醬或甜酸汁都唔錯。最後點都要有D澱粉質落肚先覺飽，炒金邊粉夠爽身，熱辣辣夠香夠醒胃，令人好想繼續食落去。整體而言：滿足！

昨天晚上和太太、連同外父外母，四大兩小一齊黎到慶祝父親節。可能因為食得早的關係，都唔需要等位就有得坐了（5點半已經到了）。點了下面的菜色：1. 柚子沙律味道還好，特別之處在有放菠蘿，入口唔太酸，反而甜甜地，幾好味！2. 生蝦刺身蝦夠新鮮，由於師父應該有用冰水浸過蝦肉，食起來夠凍夠彈牙。特別在師父仲順手幫你炸埋個蝦頭，食落脆卜卜，可以連殼食，正！不過由於我個人嗜辣，若果個汁辣D就正爆了！佢仲特別註明話有魚生牌，我諗食落信心大D掛，起碼到而家都冇肚痛…哈！（必食之選）3. 泰式酸辣鳳爪呢個又係本人至愛之一，唔同平時好多泰國菜館食個D咁，一係太淡唔入味，一係得個酸字。呢度個鳳爪問心做得唔錯，咸、酸、辣個平衡做得唔錯。不過我食呢度菜，最鍾意唔係食鳳爪，而係食配菜，佢D青瓜同生菜都好新鮮，但若果能夠有埋唐芹，取其香味，爽口，咁就一絕了！（值得一試）4. 冬蔭公雖然佢未去到最頂班，但以呢個價錢計，已經算係好難得飲到好味的冬蔭公了（個人飲過最最最好味的要去到泰國LEBUA AT STATE THE TOWER 個 POOL SIDE CAFE，永世難忘！）。除左有好多新鮮蝦外（去殼同頭好易食），飲落

小妹生日, 一班豬朋狗友請我食泰菜…我選擇了泰蘭花我地7個人叫左柚子沙律 -- 幾好啦…不過D蝦米太少咖哩炒蟹 – 好味呀, 隻蟹仲幾大隻下添明爐烏頭 – 無得頂呀! 條魚好滑…點埋佢D辣汁, 一流泰式生蝦 – OK新鮮, 記得點埋佢D勁辣汁生菜包 -- 一般…無驚喜泰式無骨鳳爪 – 唔…好似無咩味... 唔食也罷蒜蓉包 – OK啦 我深信蒜蓉包應該好難整得唔好食糯米雞翼 – 一碟得2隻雞翼, 切開6件…我食得1/12…所以…好難話好唔好食冬蔭公湯 – NONO GOOD…一D到FEEL 唔到係THAI FOOD. 唔好叫法式咖哩雞包 – 好味喎, 我雖然一舊雞都無食過…不過個包加上D咖哩汁, 非常好味小食拼盤 – 有香葉雞, 一D串燒, 炸唔知咩圈, 春卷… 我一D都無食過…不願致評仲有一人一樣野飲