Lab Eat Bistro (豉油街) (已結業)

又係食好西的時候，今日同朋友揀咗間喺旺角鬧市環境超正超大的西餐廳，賀一賀佢搵工成功，恭喜恭喜。在大街已經見到好大個招牌，門面喺地舖要上一層，面積超大，坐得寬躺舒服，而且裝修時尚，充滿氣氛浪漫。由Menu至裝修都好有風格。先上特飲我叫咗杯熱帶陽光，最主要有熱情果同菠蘿，酸酸甜甜好開胃。朋友嗌咗杯柚子盛放，都大鑊好評。賣相超靚打卡一流。鵝肝二重奏招牌鵝肝燉蛋加香煎鵝肝多士，一次過嘆兩樣，先食鵝肝燉蛋，整體感覺鹹鹹地甜甜地，本身燉蛋的甜味添了一份鵝肝口感，都幾特別。鵝肝香滑厚實，唔會油脂過多肥淋淋，配多士非常夾。火焰長臂蝦海膽醬櫻花蝦意大利飯賣相獨特，大大隻長臂蝦放在金黃色的意大利飯中間，非常搶眼，長臂蝦係刺身級數加火焰燒過，肉質鮮甜爽口。之所以意大利飯呈金黃色係因為加左海膽同櫻花蝦，食到櫻花碎碎，色香味俱全。慢煮24小時美國穀飼牛小排分量十足，迷你版牛小排經過廿四小時慢煮，肉質軟腍而且肉味鮮甜，我揀咗香蒜牛油做醬汁調味。特色配菜我揀咗法式洋蔥炒薯角，好野味。懷舊糖蔥餅拿破崙千層酥非常特別的配搭，中西合璧crossover 糖蔥餅放在拿破崙的中層，脆脆地甜甜地加添了一份獨特的口感。

lab eat restaurant 尖沙咀、 旺角分店， 我也曾經光顧過。 尖沙咀分店典雅高貴， 旺角分店時尚休閒 ，而新開設的旺角分支 lab eat bistro ， 走型格工業風 ， 入口連 一、二樓以粗曠的 鐵樓梯貫通，紅磚、水泥牆、工業風吊燈、深啡色餐枱、鐵凳，營造出一種簡約硬朗的感覺。出品亦略有不同，主打高質肉類、價錢亦較襯民。我們被安排坐在廚房出餐位置附近， 隔離正好有一個 private room ， 雖然有點嘈吵  ，但是能夠看到不同菜式出餐時的實體模樣 ， 猶勝只有文字的餐牌。🤭乜蟹都有 $118     前菜先來一客沙律。  擺盤頗吸引，置頂橙紅紅的蟹籽配上食用鮮花，色擇分外搶眼。別以為蟹蓋細細，以為份量很少，其實足夠兩、三人享用。已拆肉的紅蟹、 麵包蟹與蟹膏、蟹柳絲、蟹籽拌勻，在蟹蓋上堆滿了一個小山，吃起來口感豐富，充滿濃烈蟹鮮味，不用徒手拆蟹，卻能嚐到鮮甜的蟹精華，妙!  特選級牛臀肉上蓋扒 9oz  $388牛臀肉上蓋是連接牛腰及臀部較少運動到的位置，有「牛扒女皇」之稱。餐廳建議三成熟，不過我們還是想更充份地誘發油脂的香氣，所以選擇了五成熟 。配特濃紅酒汁

Lab Eat係一間很有情調的餐廳，好岩拍拖慶祝。🎉位於豉油街，旺角地鐵站E2出口，行4分鐘就到了。很方便。內裏裝修有啲工業風，燈光昏暗，好啱兩口子談心。都幾浪漫。💕氣氛咁好梗係要飲番杯酒啦。呢杯cocktail叫柚子盛放。$78成份有： Gin, yuzu purée, lime juice, jasmine tea, egg white, honey, bitters 🍸外表很漂亮，酸酸地都幾好飲。老公叫左杯小店雜果賓治。🍹成份有pineapple juice, orange juice, cranberry juice。 清甜美味❤️前菜叫咗- 乜蟹都有🦀$118混合紅蟹、麵包蟹嘅蟹肉沙律。蟹肉肉質厚實、蟹味鮮甜。加上蟹籽爽口彈牙。多重口感，多重享受。火炙長臂蝦海膽醬櫻花蝦意大利飯🦐$248第一次見澳洲嘅長臂蝦。佢嘅手臂真係好長。隻蝦都幾大隻，有成隻碟咁大。蝦肉彈牙，肉質鮮甜。加埋海膽醬同櫻花蝦鮮味十足。意大利飯好creamy。每一啖都鮮蝦味十足，好似同長臂蝦談緊戀愛咁。💕每一啖都係享受。我好喜歡啦！🥰食唔停口！慢煮24小時美國榖飼牛小排11oz $358經過24小時慢煮，肉質軟稔

想試Lab Eat Bistro好耐，今日老公終於肯同我嚟，一於食盡佢！前菜揀咗西班牙紅蝦薄切，係一個好特別嘅菜式，將紅蝦壓成薄片，仍能保持蝦嘅肉質同原有嘅鮮味，口感唔錯。呢度牛扒都好多款，而且主張減少烹調時間令肉質保持鮮嫩，所以餐牌上只有頂級牛腰扒建議七成熟，我哋就選擇咗頂級牛腰扒配特濃紅酒汁同松露薯條。牛扒汁係另上，所以可以清晰見到牛腰扒嘅肉質同紋理。牛扒下仲有軟滑嘅薯蓉同炒過嘅雜菌。而伴碟嘅黑松露薯條亦都相當出色，新鮮炸起嘅薯條灑上黑松露碎，另外附上黑松露沙律醬，啖啖充滿黑松露香味。另外仲叫咗比較玩味十足嘅鬼佬黯然銷魂飯，佢嘅叉燒以鴨胸代替豬肉，食起上嚟又別有一番風味。我唔肯定佢嘅雞蛋係咪用上日本高級別嘅蘭王，不過蛋黃嘅色澤就睇得出並非普通貨色。半熟嘅蛋黃用嚟混入飯之中特別香口。呢度嘅環境令你忍唔住要叫返兩杯飲品chill番吓。小店雜果賓治果味濃郁，並非平時飲開嘅糖水。柚子盛放加入咗GIN酒，但酒味唔算太濃，都好容易入口，加上佢嘅茉莉茶底，配合柚子同青檸嘅味道，感覺仍然好清新。