珺

营业中

休息中

講食物之前 想講一講d staff明明冇限時 距離10點佢哋收工時間仲有一段時間但由佢上碟一刻起就一直趕趕趕仲未食完就一直想收我地d碟體感真係好不佳-同埋原來食加切餅費已經加到$150可能已經係潮流我唔知啦-呢間係整得幾精緻嘅 好似中式嘅法國餐咁但因為啲Staff搞到我好煩所以我對於整體感覺都好一般可能都因為我食過更加好食嘅素食餐啦🤪-😕玫瑰叉燒 好 很 甜好似每個細胞都黐滿住糖咁不了-😕桂花柚子猴頭菇 冇叉燒咁甜 但都好甜 食得多膩-😶君子炒飯正常發揮-🙂九層塔茄子舞茸菇幾惹味的-🙂鮮花椒麻鳳尾蝦(有6隻）香口 脆脆地 又辣辣地 幾好食-🙂避風塘茶樹菇算香口同好食的-🙂咖哩鮮腐竹素雞球煲腐竹索曬咖喱味 幾好食的-🙂紫金竹豆腐配法式紫椰菜成餐最好食好似係佢 幾惹味的-好食既素食餐廳我不缺又唔係好食到要encore只係某幾樣算係幾好食only但又要俾d staff chur呢間應該唔會再去了🫡

因為媽媽不時都會食素，今次同佢黎左中環M88的珺試下。我地係食平日lunch，叫左一個lunch set同一個單點。Lunch Set 有湯（百合薏米），味道意外地很好👍🏼之後有個頭盤，都好食😋主菜點了桂花柚子猴頭菇，食落似咕嚕肉，脆脆的單點的米粉，味道也不錯整個體驗令我對素食改觀，感覺餐廳有用心製作，有時間可以來試吓👍🏼餐廳的美中不足是每道餸個碟都好大，但餐枱好細，幾乎都放不下😢另外lunch set餐飲居然要+$20，本身得杯水，如果能吸杯茶就更好，見到在場都沒有人點餐飲😅

今日約左同事黎呢度食lunch。揀左呢間食素既，而家食素越黎越精緻，食到好似fine dining。平日午市有午餐。$168包頭盤，湯，小食，主菜，同米飯，另加一。甜品咖啡另外再加錢。頭盤2選1。麻辣繡球菌雲耳份量少少，有少少雲耳同繡球菌，加左麻辣油，真係幾辣。繡球菌我第一次食，偏淋，雲耳爽口好多。鷄油菌竹笙素翅大大碗，味道唔錯。入面有唔少金菇非常爽口，仲有好多好似繡球菌既配料，反而竹笙就唔多覺。用黎冲淡麻辣繡球菌雲耳既麻辣都可以。小食有秘醬杏鮑菇兩片，味道調得好而夠厚身同爽甜。主菜4選1。我揀左桂花柚子猴頭菇，份量好足，賣相極似咕嚕肉。點知食落就連味道同質感都勁似咕嚕肉，甜甜酸酸好開胃，其他配料仲有車厘茄同菠蘿。最後加上少少沙律菜同黑白芝麻粒。米飯2選1。我揀左椰花飯。椰花飯非常濕潤，味道有少少鹹，不過都可以。個人覺得份量可以多d。同行友人叫左玫瑰叉燒，分量都好多而且味道都似真叉燒。總括而言，食物係可以，主菜尤其好食。個餐包既野都多，都食到飽。不過人均連加一要$185，呢個價錢係中環都有好多選擇。座位都舒服，環境清靜適合聊天。