泰和堂涼茶店

营业中

休息中

食飽飯周圍行下，順路食個糖水。我對傳統糖水情有獨鍾，但現時已經買少見少，泰和堂係旺角難得比較方便既選擇。馬來喳咋稀稠度適中，陳皮味比較重，豆類豐富：紅豆、紅腰豆、鷹咀豆、眉豆、西米等，唯獨冇加芋頭，岩曬唔鍾意食鍾意芋頭既我。桑寄生蛋茶呢個係我最愛，熱辣辣既桑寄生茶既清甜又唔漏，適合食到好飽但又喂食既人，解癮冇負擔。碗中粒蛋係普通烚雞蛋，冇咩味的。店內除左傳統中式糖水，仲有其他選擇。總體而言：味道：中中挺挺，如果再少d 糖就更加好喇性價比：唔平唔貴服務：正常，即叫即上，好有效率環境：涼茶鋪間局，座位唔太舒適

食完飯想食個糖水，就嚟咗呢度食個中式糖水！唔講唔知，比起西式糖水，寶仔比較鍾意食中式糖水㗎！主要都係因為比較健康番薯糖水($24)寶仔好鍾意食番薯糖水，而呢度啲番薯超級無敵多，多到滿瀉出嚟，可惜番薯太多根每一夠番薯都有好多條根，食得比較麻煩。。桑寄生蛋茶 ($26)張生又揀咗一個健康嘅湯水，成碗食曬，正常味道！星期五簡簡單單食完飯食碗糖水，呢度仲要係寶仔鍾意食嘅中式糖水，又有人情味，大大碗，係一個好開心嘅星期五！

食完雞煲先八點半，見時間尚早。今晚又係萬聖節，可以沿途睇下啲人扮鬼扮馬。所以由好景慢慢行去先達坐車返屋企。行到小巴站，老婆見到對面間涼茶店有糖水食，就話要食。但明明頭先話好飽，唔怪得啲人話甜品係有第二個胃。桑寄生蛋茶 $24 + $1 外賣 - 入面只有雞蛋一隻，好快就飲晒。桑寄生茶雖然顏色好深，但飲落只有好淡嘅桑寄生味。腐竹薏米水加蛋 $23 + $1 外賣 - 呢碗糖水比較正常，入面好多腐竹同薏米，腐竹有豆香味，而且唔太甜。

旺角其實有好多新式甜品點, 要咩冰咩撈都有, 一到晚飯過後就大排長龍.  不過要食傳統中式糖水, 响旺角真係冇乜選擇, 雖然新式甜品屋都會有中式糖水, 但大數都係'配角'而已, 款式亦唔多.呢間涼茶舖, 除一般涼茶茶葉蛋外, 中式糖水糕點選擇亦不少是晚點了我最愛的桑寄生蛋茶, 淡淡的桑寄生味, 唔苦, 亦唔太甜, 蛋亦唔會煮得太硬, 如果有埋蓮子就perfect了.  老公點了燉雪蛤, 佢話唔太甜, 都幾足料.雖然坐位有點迫, 舖面人手又不足 (落單要多點耐性), 但要食中式糖水, 呢度都算一個唔錯的選擇 (尤其是在旺角)