閨•家 (西九龍中心) (已結業)

打算買啲家常菜返屋企做晚餐，於是嚟到呢間人氣良心小店買外賣～😁由深水埗攞到返港島仲係熱辣辣，打開亦都冇瀉哂出嚟，乾淨企理！👍🏻🍚 梅子金沙骨飯 (配小盅老火湯) $50💯 評分：🌕🌕🌕🌕🌑 (4/5)💬 金沙骨幾入味，肉嘅份量都夠，肉質亦唔嚡口。梅子味淡淡哋，見到醬就更加好！白飯水分充足，粒粒飽滿分明，整體表現唔錯！😋飯餐跟碗細老火湯，日日款式都唔同，星期日係雪梨蜜冬百合煲豬展。飲落清清哋幾滋潤，仲有少量湯渣可以食，無味精夠晒健康！😌去買嘅時候銀包唔喺身，店員都俾我落咗單先，對客人嘅信任勁加分！😉

搬出嚟住之後唔係成日有機會飲到媽媽嘅叫湯水，之前都會去買啲湯包返屋企飲，不過如果有食店可以食埋飯我一定會衝去食～一路聽聞良心店閨家嘅湯水好正，今晚放工就去左食晚飯，叫左每枱必點嘅招牌豬扒飯，呢個係香茅豬扒，食落甜甜地，豬扒好腍，伴碟嘅有香蔥油同埋梅菜，加埋白飯有較製過嘅豉油，唔覺意會食多咗！梅子金沙骨以為係好熱氣嘅菜式，嚟到時見係炆煮過嘅排骨，肉有咬口，但唔會黐哂牙咁，醬汁甜甜地，易送飯，同行友人表示煮得好食過佢娘親煮果個⋯我嚟呢度最主要係因為碗湯，湯水款式日日唔同，我去嘅果日係海底椰栗子煲豬展唔係味精湯，係好媽媽味嘅湯料，湯料好足，湯水好清甜！我真係好滿意～小食叫左手拍青瓜同埋滷水豆腐，兩樣水準都幾好！食完飯飲埋湯基本上好飽，尤其豬扒飯居然有兩大塊豬扒，份量真係好足，兩個人再叫兩個小食真係多左少少⋯無時間煲湯嘅上班族得閒真係要嚟飲碗湯💛

之前係北角都有食過呢間，原來西九龍中心都開咗間【閨•家】 今日買外賣午餐 + 晚餐，抵食大份，呢到嘅食物主打無味精，真係夠哂健康 五香肉丁麵 $33 + 熱朱古力 $5 午餐叫咗一碗五香肉出前一丁麵🍜五香肉粒大大粒，麵質軟硬度適中；配埋杯🍫熱朱古力就啱哂 梅子金沙骨飯 $51 梅子金沙骨肉質嫩滑又juicy，個梅子汁甜甜酸酸，夠哂開胃撈飯好正 慢煮豬軟骨飯 $49 豬軟骨炆得勁淋，肉質嫩滑，入口即溶，每一件都好大舊，個汁撈飯真係好味道 兩盒飯配兩碗細嘅老火湯🥣今日嘅老火湯係蘋果紅蘿蔔沙參煲感排骨，湯料勁足料，一啲都唔油膩，係真材實料嘅靚湯 小食 炸饅頭 配煉奶 $21外脆內軟炸饅頭，炸到金黃色，配埋煉奶食真係好正嘅配搭 閨•家 深水埗西九龍中心深水埗欽州街37號西九龍中心3樓319號舖