客家人

营业中

休息中

性價比超高嘅客家人😙😙😙平日出街食野唔係日本野就西餐 今次心血來潮想食d中餐呢度既午市套餐好抵食 60幾蚊有嘢飲有湯😋而且大大份 味道仲唔錯添好食過好多酒樓😎.🎈梅菜扣肉飯 ($60)係肥仔最愛嘅梅菜扣肉飯😍一啖一肥膏😍呢d工夫菜真係越來越少地方有得食 就算有得食味道都麻麻呢個價錢原本以為會碟頭飯咁上 點知佢好貼心咁用一個碗分開另上 唔會浸到好似湯飯咁😋扣肉燜到好淋 做到入口即化既感覺而且仲非常入味 但又唔會過咸🤤最有誠意嘅地方係除咗梅菜之外 底下仲有啲菜心唔會搞到成件事太油膩 又唔會搞到啲肉壓哂喺底每塊肉都係厚切 真係好滿足😋😋.🎈菠蘿生炒骨 ($60)生炒骨到到都有 但就唔係到到都整得好食🥲一上台到咁大份就覺得好抵食 加加埋埋都有十舊咁上下 分分鐘仲多過出面一碟小菜咕嚕肉用料唔錯 啖啖肉 唔會淨係得舊骨🤣炸既火候都好好做到外脆內軟 炸粉厚度適中個甜酸汁亦做得唔錯 甜酸味道平衝 有少少醋香味 唔會好似有d茶餐廳咁 求其搵生粉水開個汁 但係冇味既.🎈總括而言價錢唔貴但食得好滿足😋除左份量足料 味道都好有誠意可以話係一間臥虎藏龍嘅餐廳👏唯一缺點就係離地鐵站都有少少距離不過絕對係一間會回頭

客家人Hakka Kitchen，位於青山道193A號地下B舖，行經過門口時，店員很有禮貌地從店內走出來打招呼，介紹他們的家鄉風味小菜和超值午市套餐，服務咁好咁有誠意，覺得應該要試試💕。餐廳是傳統中式格局，環境闊落，檯與檯之間距離很遠，空間感十足，感覺好舒服💕，牆上仲有大電視介紹招牌菜式。二人點了客家名菜鹽焗雞飯和梅菜扣肉飯，同樣是$59，跟餐附送例湯和熱飲，凍飲只加$3。價錢十分便宜。店主介紹下次過來要試試他們的秘製湯飯，十分受歡迎的。兩款菜式的造型都很有地方色彩，十分古樸，具鄉土風貌，鹽焗雞咸香肉嫩，醬料分碟上，鹹度自己決定，十分貼心💕。梅菜扣肉肥而不膩，扣肉有梅菜香味，梅菜又散發著肉香，兩者混為一體，味道很好💕。例湯都很好味，好似屋企自己煲一樣，足料所以味很濃。