白玉蘭 (已結業)

追開我post既朋友都知我特別鍾情中餐，久唔久我就幫襯下美心旗下既中菜館。呢日我同個朋友去咗位於中環既「白玉蘭」。兩個人叫咗多個餸菜，同大家介紹下先：1. 手撕薫雞 （前菜）相比之下，我會更想點「口水雞」或者「花雕醉雞」...呢道菜味道有啲怪怪地，唔係好推介。2. 四川擔擔麵麵質彈牙，湯汁美味。辣得好過癮！唔想咁heavy食飯既一個精明選擇！3. 魚羹一人份量既魚羹。兩三淡就食晒... 加埋胡椒味道仲正。建議唔好攤咁耐先食。4. 茶樹菇上湯翡翠豆苗必點既菜式。去美心中菜館食飯，次次都會點豆苗食... 不解釋，自己試下啦！5. 京蔥蔥油餅見到食評好多朋友都有推介呢道菜...好有北方既味道！蔥油餅好足料。應該係即整，上菜既時候仲係熱辣辣、香噴噴。唔鍾意既話仲有好多點心選擇，好似係小籠包、鍋貼等等。不妨試試！6. 梅菜扣肉撈飯首選！單食就有啲油膩 7. 香格里拉桂花糕甜品永遠都係美心中菜既黃牌。呢個真心推介。而且價錢較大眾化，好過特登出去甜品鋪食呀8. 拔絲蘋果香蕉唔好錯過。等20分鐘都值得！食完真係有種幸福既感覺！

男友 AE Card 有優惠, 放工就腳就去試下都好似幾出名既白玉蘭喇~一進入門口, 環境 OK, 有人彈琴同拉小提琴, 感覺舒服!兩個人唔叫得太多款野, 又唔知有幾大碟, 隨便叫左幾樣野試下先..1. 金盞花茶 (可叫一壺 share 一齊飲, 但另外的都要付 $16 茶位一個)味道清淡, 清香, 係幾種花夾埋一齊沖...2.梅菜扣肉伴金華火腿卷一食入口即刻溶化既扣肉, 但好有罪惡感, 所以我食左一小口而已, 其他男友全包底! 但梅菜+熱辣辣既金華火腿卷就好食到停唔到口, 幸好感覺唔多油膩！3.小籠包 失敗之作, 啲皮太厚, 肉汁又唔多, 可以講係唔好食! 4.上海炒年糕 普通既炒年糕, 並無特別可取之處~埋單半價之後共 $240, 其實以喺中環來說, 今個晚餐真係好抵, 可惜 .. ..  味道好普通, 好一般, 就算 AE Card 有半價優惠, 都應該唔會再食了..