一番風味 (已結業)

出發去會展之前，隨便在附近吃個午餐。海鮮湯斑粒泡飯十分大碗，份量十足。橙紅的湯有魚的清甜，又有蝦的鮮，味道不俗。吸了湯的飯太腍，旨在飽肚。連皮的斑粒有清清的魚鮮味，皮有膠質的黏。湯內還有大量新鮮的菇。雖然蝦仁下得多，但無味的雪藏蝦仁成了敗筆。梨山醬汁骨排骨炆得幾腍，跟泡飯一樣混了大量菇，夠健康。帶少少甜的汁都可以，幾開胃。白飯的乾硬度控制得宜，拌醬汁吃都不錯。方便、快捷又平平地吃個午餐，都算可以。

大約一年前黎食過一年後今日再黎水準果然保持到決定打編食評讚下拒餐廳主要食Fusion 既中菜、同埋海鮮今晚又係一班老朋友食飯一於食中菜圓枱可以傾下計啦😌Book 左7:30 pm 有d朋友要OT 決定叫住d野食 邊食邊等點知一叫就叫哂😂同員工講慢慢一樣一樣上就得架喇 姐姐都笑我地😆我就食過兩次，有朋友都食過但第一次食既人都讚，環境企理 乾淨野食新鮮除左有一個哥哥對拒講野要大聲d外😆其他都好好服務啊一次會再帶朋友黎試海鮮🐠🐟

嚟過食晚飯幾次，質素都幾好，尤其是蟹粥，Lunch就未試過。今日下晝去唱K前想快快趣食個lunch，就嚟試吓啦，食完行去隔離唱K啱晒！冬瓜薏米湯 (+$6)加咗2個湯飲吓，偏油膩，如果隔一隔油及有舊冬瓜食吓會好啲紅燒龍躉頭腩 ($78)肉比較少而且算幾多骨，老人家小朋友唔適合食；龍躉皮其實就最好食嘅，不過呢個都幾多鱗，食唔到啲魚皮，嘥咗，好在仲有另外兩個餸梨山醬汁骨 ($68)醬汁幾杰不過香甜，撈飯冇得頂！初初仲以為會係得舊骨連好少肉嗰種，點知叫佢做骨都侮辱咗佢，呢舊簡直係豬肉啦，肥瘦適中，肉質軟腍，有驚喜；除豬肉外仲有好多雜菌，好味！咖喱軟殼蟹 ($68)開頭都有啲擔心會好辣，但又真係好想食軟殼蟹，好在店員問咗，咖喱汁可以另上。原隻軟殼蟹切開一半咁上菜，唔係炸得特別金黃色，不過非常香脆，入面仲丘有好多蟹膏，有驚喜！咖喱汁比想像中少辣，撈個菜飯食啱晒！除龍躉頭腩外，另外兩個餸都有驚喜，抵食吖！

幾個月前已來過一番風味，那時是吃晚餐，蟹粥當然是主菜，今天就特意試試午餐吧。午餐價錢不貴，至少能讓你坐得舒適，二人也可安排坐卡位，不用跟人背對背鬥迫。加了$6的老火湯，好足料的霸王花無花果煲唐排，清潤又有霸王花可以食得到。鮑汁海鮮炒飯 $68這碟炒飯認真夠鑊氣，炒飯都是一粒一粒的，乾身之餘亦蛋香十足，材料有蝦及魷魚等，不過鮑汁有點重手，少少過鹹。梨山醬汁骨 $68一上檯已聞到十足香氣，排骨肥瘦得宜，吸收了梨山醬的味道顯得份外惹味，醬汁夠杰身用來送飯一流。菜飯中的菜不會過於腍身，食夠有咬口。男友最後特別order了火龍果汁，即叫即榨，對一些平日少吃生果的男士來說，用來排毒很不錯吧。這裡不論午餐或是晚餐都很有水準，我聽到旁邊有位客人一入門口便叫了蒸肉餅，說是每次都要食蒸肉餅，我想下次也可以試試吧。