一番風味 (已結業)

嚟过食晚饭几次，质素都几好，尤其是蟹粥，Lunch就未试过。今日下昼去唱K前想快快趣食个lunch，就嚟试吓啦，食完行去隔离唱K啱晒！冬瓜薏米汤 (+$6)加咗2个汤饮吓，偏油腻，如果隔一隔油及有旧冬瓜食吓会好啲红烧龙趸头腩 ($78)肉比较少而且算几多骨，老人家小朋友唔适合食；龙趸皮其实就最好食嘅，不过呢个都几多鳞，食唔到啲鱼皮，嘥咗，好在仲有另外两个𩠌梨山酱汁骨 ($68)酱汁几杰不过香甜，捞饭冇得顶！初初仲以为会系得旧骨连好少肉𠮶种，点知叫佢做骨都侮辱咗佢，呢旧简直系猪肉啦，肥瘦适中，肉质软腍，有惊喜；除猪肉外仲有好多杂菌，好味！咖喱软壳蟹 ($68)开头都有啲担心会好辣，但又真系好想食软壳蟹，好在店员问咗，咖喱汁可以另上。原只软壳蟹切开一半咁上菜，唔系炸得特别金黄色，不过非常香脆，入面仲丘有好多蟹膏，有惊喜！咖喱汁比想像中少辣，捞个菜饭食啱晒！除龙趸头腩外，另外两个𩠌都有惊喜，抵食吖！