金利來

营业中

休息中

上次母親節食得非常開心，今次父親大人話要再去食，去到老闆介紹了400元一位的套餐，有新鮮象拔蚌刺身，好鮮甜yummy ，價錢非常公道，老闆非常好，大廚整海鮮真係掌握時間到啱啱好，條東星不能不讚太滑同好味了，連我仔都不停地食，把成條魚食光光了海鮮魚湯好飲，小孩好懷念龍蝦伊麵，糯米飯好好味，最後加埋西瓜🍉生果盤，連平時我不食出面的生果盤，我見到非常新鮮，今次我都食光光了，一家人完美的一餐，最緊要係我父親大人👨🏻食得非常開心，老闆招待非常好，下次我一定再來

主角母親大人指明要食海鮮餐，見到團購好似幾抵食，甘就買左4位啦。之後按指示係whatsapp度預約啦，其中我指明要龍躉，但老闆話要睇供應，未必有得俾我。我表示希望留到條龍躉俾我啦，因母親大人對青斑麻麻地。之後上open rice睇睇呢間野，嘩，d人對團購餐惡評如潮，心諗大檸樂，要中伏啦，但仔細一看，都係上年同前年既評語，心諗海鮮都要睇時節同貨源供應既，可能甘岩個期d海鮮唔靚啦 (自我安慰 >.<" )。今日去食飯，見阿媽慢吞吞遲到，又見之前d人評價話唔齊人唔俾入座，心想不妙，點知今日店員並無野講，唔齊人照俾位，服務態度殷勤，並不似之前d人評價甘差！今日既海鮮極新鮮，味道一流，父母出名嘴刁都今日由第一道菜讚到尾。我自己都經常食海鮮，昨天更去完南丫島食，但都無今日呢餐甘好味，今日呢餐真係超水準之作！食材新鮮，份量足，煮好即上枱夠熱(海鮮係要夠熱先好食，不然會腥的)！一字既之曰:"正"！老闆亦非常上心，特登留左龍躉俾我地，實在不得不讚！十個餸真係好飽，但味道真係難得的好味，所以全家都食清光，脹著肚皮離去！

早於2星期前訂位，仲要有時段限制。Book左11月9日20：30。由於忘了帶coupon,負責人又堅持要hard copy(即使有soft copy及於訂位時已提供優惠券號碼，負責人亦不讓步，已not helpful!),唯有返轉頭攞。20：40到步，即時通知負責人已人齊及有coupon,仲要足足多等了一個鐘先有位。我地一行8人，有老有嫩，企足1個鐘餵蚊。當然中間有問過安排，無人理只叫你等。每一次都呃你就有位！book左位都等成個鐘，梗係有怨言啦，仲要比個肥女人鬧：個個客都係咁等啦！😡😡仲要未食嘢未享用服務就先收服務費。到上菜，明明有3道菜係2選1，但無人問你揀咩，又要你自己走去收銀講。菜色次序上錯哂，中間已上飯，反而蟹及賴尿蝦最遲上。食物份量足夠,但味道一般。上菜速度也快,1.5小時左右上了11道菜連湯。但服務奇差,絕不再來,以免辰受氣。