小憩片刻·雞湯·麵·串燒 (已結業)

一直都知紅磡有間隱世雞湯麵店，主打100%無添加味精、用上8小時熬製嘅雞湯😳。前幾日終於約咗朋友去食，估唔到食物質素幾高，每碗麵都份量十足，食完覺得勁飽🤤。小店座位唔多，平日中午打算去食lunch嘅朋友要留意一下，可能要等位🧐。-💛椰子雞湯淮山麵 $68依碗椰子雞湯第一口飲落我已經好鍾意😍，確實好香醇清甜，每口都有椰子嘅清香同粟米嘅鮮甜，一啲都唔口乾！😆食到主角雞件更讓我驚喜，肉質嫩滑份量又多👍🏻，仲要側邊加上好多椰子片，一口雞，再一口椰子，超滿足🤩。淮山麵亦都好出色，麵條幼身但唔會黐埋一舊，更有些微爽口😎。唯一不足係冬菇未夠入味，但其他出色嘅地方已經足以令我決定下次要再訪🥰。-💛蟲草花花膠雞湯米線 $78唔鍾意食椰子嘅朋友就叫咗依款雞湯米線，依款湯底係完完全全另一個口味🤭，飲落好濃郁養生，見到有黃薑同金華火腿片，朋友話覺得超值🤤。雞件一樣肉質嫩滑份量多，旁邊有兩塊大大舊花膠，仲有幾多嘅蟲草花👍🏻。米線就相對淮山麵普通，但整體都好唔錯😍。-回頭推介度：5/5 食物質素：5/5餐廳環境：3/5

🇭🇰小憩片刻·雞湯·麵·串燒·蟲草花花膠雞湯米線$78 l 椰子雞湯淮山麵$68呢兩碗麵一上到嚟個色澤見到已經覺得好好食😍😍佢兩個湯底都做得相當之出色 椰子雞湯係超級清甜 個椰子味出得嚟係清甜椰子水嗰種 我自己好鍾意🥥之後個花膠雞湯就係一個好濃郁嘅雞湯 飲落好足料 而且唔會油膩 不過呢個飲得多就會濃味啲 感覺上冇椰子雞湯個個咁清爽 但係兩個其實都好正🤤🤤而且佢呢個超有誠意 入面真係好多雞 尤其係我哋椰子雞嗰碗入面係有成隻雞髀 超級抵食🤑佢啲雞肉仲要煮到啱啱好 超嫩🐤😈·原條茄子$25 l 娃娃菜$13 l 原條粟米$18之後因為入到去聞到好香嘅串燒味 所以我哋都嗌左幾串試吓😎不過我自己就覺得佢啲麵出色過啲串燒 因為串燒雖然調味唔錯 但係食落油膩啲 而且粟米唔算好甜🫢😂·#rbyeat#rby港式#rby土瓜灣·📍紅磡崇志街29號地舖