蘇媽.蘇媽馬來西亞茶餐室

营业中

休息中

諗唔到食咩，又唔想普普通通食茶記，最後入咗間香港都有幾間分店既馬來西亞餐廳，其實私心想食肉骨茶！呢個價錢食到高級版茶記，又坐得舒服，唔洗同人背貼背，算係甘啦！Lunch 叫左2個餐，再搭其他小食，飽到呢-沙嗲串燒豬牛雞各一串，滿足晒三個願望，沙嗲醬十分出色；覺得可以再燒燶D會更香口辣死你阿媽配咖喱雞扒份量足夠，椰漿飯口感偏腍身，好有椰漿味唔會好似白飯甘dry; 另外飯都配幾多脆口配料，如魚仔，花生，配埋咖喱汁，完全係重口味代表肉骨茶感覺上肉骨茶湯底正宗，好多香料，排骨唔會死硬，但可以再腍身d ，配搭超級入味的豆卜，最後都飲曬個湯底椰香個央多士脆多士，覺得可以再整燶邊飲品叫左美綠恐龍及椰汁斑蘭冰；椰汁斑蘭冰，唔係度度有得飲，仲貪佢夠色水可以打卡

第二次食!早排叫過佢外賣老鼠粉超級好食,已經決定要堂食試下!堂食會原個砂煲上枱,熱焫焫出唒煙😍賣相比外賣吸引好多攪拌嘅時候超級香😍魚乾、蝦乾同豬油渣配埋超夾超好食!食到底仲有啲焦😍麵底偏爽,雞扒入味,但個汁就冇咩特別,似老抽撈麵😂😂同埋比較油膩,我地覺得一般椰汁味較重,尾調先有斑蘭味出黎,唔會太甜,整體都唔錯👍🏻

蘇媽·蘇媽係我哋bookmark咗好耐嘅舖頭🤤但係次次都俾長長嘅人龍嚇親😢無論係深水埗店定係荃灣店都係咁多人，加上冇得book位，只好等有機會再食😭終於俾我哋等到依個機會啦！知道喺旺角開咗新分店就去咗試😋我哋晏就一點半左右到，唔洗等就有位，但其實入面都九成滿坐㗎😳所以真係覺得好好彩🤫分咗上下兩層，但去嘅時候只係開放咗下層，而且啲檯檯櫈櫈都逼得幾密，有啲逼😭講返食物先🤭一點完菜，店員就會喺你面前倒一碗肉骨茶俾你，而且仲係無限refill的🤩🍞椰香咖央多士 $26🌟依個真係必點！！多士表面烘得好脆好香口😋中間夾咗勁香濃嘅椰香咖央醬仲有牛油，雖然整體偏甜，但都冇阻一啖接一啖嘅衝動🤤係必嗌嘅邪惡之選🤩🤩🥥椰汁斑蘭冰 $33都幾大杯🤣斑蘭味嘅飲品真係好少有，斑蘭味好香好濃，椰汁味都好出，仲有西米可以咬下🤤值得一試~🍗棒棒骨肉骨茶 $76棒棒骨有三條，另外仲有豆卜同金菇 ~肉質夠腍夠細嫩，仲好入味添，拎住嚟大啖大啖咁食好正🤭豆卜同金菇都嗦曬肉骨茶嘅精華🤤而肉骨茶比免費個碗更加濃味同重藥材味，好暖胃🤰🏻🍲招牌砂煲老鼠粉 $78老鼠粉係原煲上，配料有魚乾﹑蝦乾﹑臘肉﹑乾蒜﹑蔥同雞蛋等等。但可惜嘅係，我

早前試過深水埗既蘇媽蘇媽食完番唔到轉頭，知道早前旺角開左新舖比深水埗舖大啲，今日的起心肝去試試。黎到上海街既蘇媽蘇媽，一如以往係要等一段時間。入到舖頭我地今次揀左大雜燴既肉骨茶，老鼠粉，炸滷肉卷同埋椰汁斑蘭冰。慣例侍應會先比肉骨茶你飲。先上枱既係椰汁斑蘭冰，甜甜既椰汁真係好爽，老鼠粉一上枱就聞到好香，連埋窩蛋，魚干，肉碎撈埋一齊食，口感豐富，而且味道好濃好啱我口味。之後再上大雜燴，入面真係咩都有，豆卜、金菇、一字骨、豬肉、豬肚、油炸鬼同埋響鈴，好好味，所有肉都係感受到佢既鮮味而且口感豐富，茶味有肉既甜。最後上埋炸滷肉卷，加埋佢地提供既辣醬，係有食臭豆腐既感覺，雖然話係滷肉卷，不過我覺得入面既芋頭先係主角。蘇媽蘇媽要食既重有好多，下次再食過!