陳茶館芋圓甜品專門店 (黃埔天地第3期百寶坊)

营业中

休息中

呢間小店主打以手作芋圓、養生桃膠、滑捊捊仙草為主角嘅甜品，亦有各款台式飲品🇹🇼💗椰汁桃膠三寶+芋泥 ($50)椰奶濃郁香甜，加入綿密幼滑嘅芋泥，刻意留有芋頭粒，芋香特別濃郁🥥；三色芋圓比一般大粒，食落更煙韌Q彈，帶陣陣芋頭、蕃薯同紫薯味🍠；小丸子相對軟糯有咬口🍡；選用高質桃膠，以人手挑走雜質再煮發，特別大粒爽滑💗薑汁桃膠三寶 ($42)選用老薑煮成薑湯，薑味較辣，特別驅寒暖身，加入芋圓、桃膠、小丸子🍵

我於8/10（六）下午四點左右到達餐廳買外賣，叫了椰汁桃膠三寶（$40）。見到張收據寫：所有產品最佳食用期為30分鐘，芋圓產品不可雪藏。等待的時間只是大概數分鐘左右，因為去了行街，回到家已經7點，大概8點几先食。一打開，飲一啖椰汁🥥已經覺得好入味，桃膠三寶：芋圓、桃膠、小丸子🍡，芋圓好煙銀😋，人生搓，桃膠都好多，搭配得宜。我唔係最佳食用期食，已經過咗幾個鐘頭都覺得好好食，價錢ok，真係值得推薦👍🏻