越味皇 (已結業)

今日仲有半日假，即刻約朋友岀來俾下手信佢先，大家相約荃灣路徳圍近地鐵站又多嘢食，本人中午比較喜歡食粉、麵，又入去試下越味皇午餐 一碗越式湯粉配小食 $40，價錢中肯特制濃汁牛丸金邊粉，選擇左蕃茄蟹頭膏湯，味道香濃帶點酸，蕃茄同蟹頭膏互相輝映，牛丸爽口彈牙金邊粉份量幾大碗跟午餐的小食-迷你酸辣鳳爪，酸味略重，適合喜愛食酸辣鳳爪的朋友生油果軟殼蟹米紙卷，米紙包住軟殼蟹、生菜、米粉、牛油果，口感豐富，配上特色醬令舍惹味食東南亞食品先有的「椰汁珍多冰」裝修有特式，有很多草帽掛在天花餐牌食品多元化午餐門外都要等位，幸好有幾張椅子俾大家可以休息下

是日難得早放工一枝公去行下適逢同事介紹呢間越南野幾出名又抵食還掂都要醫肚一於過黎吃下啦！越味王位於路德圍雖然距離荃灣站比較遠但有「天空之城」之稱既荃灣可謂四通八達！由A1出口直行沿住南行天橋過黎都算方便呢度環境裝修簡約配合擺設裝飾亦幾有特式風格而呢度晚餐都有唔少選擇眼花撩亂下最後我揀左生牛肉湯河、雙拼越式串燒同埋椰汁珍多冰生牛肉湯河份量夠哂大河粉食落亦好爽口唔會一夾即散生牛肉直接用滾湯淋熟再配上清甜既牛骨清湯帶出雙重牛肉鮮味！雙拼越式串燒雙拼有雞肉同牛肉各三串兩款肉都醃得好入味燒得剛剛好唔落都嫩滑唔韌亦鎖住肉汁配沙嗲醬一齊食亦係一流！椰汁珍多冰椰汁夠香濃夠哂香滑「珍多」亦俾得好多好足料！大滿足飽住肚皮走🤤一個人食左咁多野睇黎要行多陣消化下先啦🤣

食越南菜ww 第1時間一定點生牛肉河粉+.+ 在晚上經過這間店鋪時，就發現超多人排隊，一定好好食！！望住餐牌有幾款套餐，對選擇困難的人極方便。越味皇頂級生牛肉湯河：睇個名就想像到超級好食，一上枱就要即刻食，生牛肉的甜味，咬落肉汁令人回味，有4大片絕對值。河粉口感夠爽，食落唔會有種糊掉感覺，加上青檸汁同辣椒提味更正。燒豬頸肉米紙卷：這個是冷盤，米紙卷又薄又滑，青瓜絲與蘿蔔絲爽脆，加上燒豬頸肉，口感不錯，中間是粉絲。略嫌味道不算太吸引，有點醬料會比較好吧。越式椒鹽軟殼蟹：這個勁正，香辣味道超惹味，炸到隻蟹脆卜卜，小食來說很不錯，可惜有點貴。越式串燒：沙爹醬超級超級好食，微辣中花生碎夾在醬內，雞肉點上醬汁之後超惹味，牛肉點上更提升了味道，全晚最喜歡這道菜了。椰汁珍多冰：這個食越南食物必點。甜甜的椰奶香味，啫哩條同綠豆令人滿足，不過這間味道偏甜要注意哦。

難得黎到荃灣，除左行下街就緊係要周圍睇下食咩啦~荃灣美食係十分多，但今次反而想食番少少重口味既野姐係泰式越式個D調味好豐富既野食啦~經住荃灣朋友既介紹下就黎左呢間到試一試扎肉撈檬 ($46)首先呢個扎肉撈檬係材料方面都落得好足單單係扎肉都有5-6塊仲要係厚切既而青瓜絲都佔左個碟既一半下面檬粉既份量都唔少酸酸地既汁係十分開胃，再帶左少少既甜味，比較特別越式炸軟殼蟹 ($88)我覺得個份量唔算多，應該有2隻係度既炸粉唔算太多，炸得好香口，不過就未做到好脆既地步越式炸香茅雞翼 ($32)雞翼永遠都係友人必叫既一道菜上面有大量既炸蒜粒係度，加多重蒜香既味道，更加好味每一隻雞翼既肉都好多，外皮炸得十分之脆雞翼既肉都好嫰滑越式炸蝦餅 ($56)呢個蝦餅冇炸得好黃金，但外皮都夠脆而入面都彈牙，蝦味都足夠同埋上面都有蔥粒同蒜粒可以連埋一齊食，加多一份蔥既味道同更加香口沾埋甜酸既醬汁更加有越式既風味椰汁珍多冰 ($28)椰汁冰係我每次食越南泰國野都會叫嘅飲品椰子味好濃郁，冰融咗都仲有椰子味佢仲有啲好似大菜糕嘅野，不過就冇味嘅，可以有啲野咬下咁呢杯椰汁冰既份量都好足夠，可以食到尾都仲有剩