Orange Elephant Thai Restaurant (啟德道)

营业中

休息中

《CP值高泰國菜》今次同一班朋友去大㘭門放風箏🪁出返黎鑽石山呢個美食沙漠米樂提議搭多程車入九龍城食泰國菜😆🇹🇭Orange Elephant🐘咖喱海鮮脆包盅 $148賣相好靚 好岩打卡海鮮好足料 有蝦 魚 魷魚 青口等係椰汁咖哩 唔會好辣 幾惹味🤤用黎點麵包都好正少少不足嘅係麵包硬左啲😣椰青焗海鮮飯 $108米樂好鐘意呢個飯今次決定再encore ☺️成個椰殼上 份量好多 面頭淋左椰汁 好香🤩原來椰汁配炒飯係咁夾一啲都唔漏 一試難忘炭燒豬頸肉 $86簿切夠淋 容易入口😋燒得好入味 配泰式醬汁 好正雜錦串燒 （雞/牛/豬）半打 $83好入味夠juicy 配埋沙爹花生醬 好正而且每舊都夠大 好滿足😆米樂最鐘意牛肉串 肉碎生菜包 （豬）$76肉碎酸酸辣辣好過癮加埋生菜包住食 岩岩好份量好多 生菜用哂仲可以叫待應添黃咖哩雞因為係用一蚊加所以份量都相對細啲 咖哩好香 令人好想撈飯食Tip: 餐廳每日都有一蚊優惠價菜式 （尾圖）餐廳有電話訂位服務 咁就唔洗排隊等位😉Orange Elephant Thai Restaurant (啟德道) (九龍城)九龍城啟德道31-33號地舖Orange Ele

食呢間嘅原因好大部分都係衝住「一蚊一條泰式明爐烏頭魚」而去！！！一蚊！係一蚊！一蚊一條！呢間餐廳星期一至五每日都有一樣一蚊嘅item~星期一係泰式明爐烏頭魚，其他日子有蝦餅、有炒菜、有啤酒～點睇都係一蚊一條泰式明爐烏頭魚最抵啦！🤣🤣講咗咁多次抵，就緊係要講吓味道如何啦！！！我哋5個女仔，叫咗：豬肉碎生菜包、咖喱海鮮脆包盅、馬拉盞炒通菜、泰式蝦球炒金邊粉、椰青焗海鮮飯、泰式明爐烏頭魚、原隻芒果椰汁糯米飯、泰式千層糕、一杯芒果冰特飲、兩杯椰汁冰、一杯青檸疏打、一杯椰汁珍多冰。（叫咗1X樣嘢，先每人$16X，會唔會太抵！！！！）咖喱海鮮脆包盅 --> 超好食！！！個包包外邊係脆脆的，入面浸咗咖喱好入味，包感係軟軟的，但又唔係一咬就散晒／腍滋滋唔知做咩咁！呢個脆包盅會再翻食！！！！！馬拉盞炒通菜 --> 好鍾意！去親食泰國嘢都會叫呢個，好鍾意食！泰式蝦球炒金邊炒 -->正！唔會炒到成碟油淋淋，但又冇炒到痴埋成碟咁，啱啱好，炒得乾身又好食！椰青焗海鮮飯 --> 覺得可以再加多啲椰汁！！！芒果糯米飯 --> 可唔可以叫多一碟畀我自己🤣點鮮個芒果可以咁甜又冇渣

最近，大家"思鄉”既情緒都好濃厚，都紛紛打咭去食"鄉下嘢”。我都好掛住"沙挖啲卡”，於是放工相約朋友黎到出名食泰國菜既九龍城，一解鄉愁。好彩收工收得早，六點幾黎到，7點幾已經差唔多全場滿座，食到中途出面已經有人等緊位。首先出場既係-🧤酸辣去骨鳳爪 (原價$72--->$1)咁岩撞正星期三，可以以$1優惠價食到呢道菜。呢個夏天食真係岩晒，酸酸地辣辣地又帶點甜味，相當開胃。雖則我同朋友都唔食得太辣，一開始都覺得有點太辣，但越食越過癮，最後都清空左隻碟。🐟泰式明爐烏頭魚 ($169)烏頭魚相當大條肥美，面頭俾配料覆蓋晒，有秀珍菇，甘筍絲，芹菜，薑葱和肉碎等等，底下仲有椰菜墊底。烏魚肉質嫩滑，新鮮，一點也不腥，亦無泥味，湯底清甜。如果星期一黎食，仲可以以1蚊優惠價，真係超級抵食。🍚椰青焗海鮮飯 ($104)平時菠蘿炒飯食得多，椰青焗飯就第一次食。原粒椰青里面塞滿了飯，面頭淋了一層椰漿，有點似富士山既感覺。飯粒被壓到好實，口感比較黏，食落仲有淡淡既椰香奶油味。配料亦都好豐富，有蝦仁，魷魚，粟米，冬菇，提子乾，腰果等等。材料新鮮，每一口都相當滿足。🥥特選椰青 ($42)好大個椰青，清清甜甜

今晚經過九龍城知道呢度好多泰國菜，經過呢間見到平日夜晚有啲特別菜式做$1特價真係好吸引入去試吓先.❥ ❥ ❥泰式明爐烏頭魚睇到加一蚊可以叫一碟明爐烏頭魚，試吓佢嘅芋頭丸材料都冇不過裏面有辣椒，肉碎，椰菜仲有不少得香茅，汁料好香濃魚肉好腍，如果多啲辣椒更加濃郁.❥ ❥ ❥椰青焗海鮮飯🍚整個椰青裏面放上好多海鮮加炒飯滿寫，你哋可以先加入左青口,八爪魚🐙蝦肉🦐爽口又彈牙仲有加椰汁味好香甜.❥ ❥ ❥泰式燒雞/半隻🍗明火燒雞皮薄香脆肉質嫩滑，再見埋酸辣醬味道鮮甜提升，重點熱食夠滑溜.❥ ❥ ❥芒果冰特飲勁多芒果肉泡至特飲沙冰，酸酸甜甜好開胃，夏天必飲，我係芒果大愛.❥ ❥ ❥特選椰青嚟到食泰國菜不少得叫個椰青飲下，椰青肉好爽口雪凍咗椰青清甜可口

於九龍城辦完事天已黑，附近找找吃的再歸家🧚🏻‍♀️九龍城聽得多出名嘅係泰國嘢～其次係我個人覺得好貴嘅潮州打冷。作為潮州人，我梗係揀泰國嘢啦🤣打冷返家叫老豆整就得嘞～見到orange elephant~橙色的大象🍊🐘趣緻的名稱就入咗去嘞～其實係見到呢張吸引咗入去😆🤩🤩一至日都有一款$1優惠仲有其他折扣優惠👍🏻😋串燒係我多數會點的菜式，外面微焦金黃，入面無乾柴烈火，醬汁甜甜的，好味但我個人會想加多啲辣😁人生第一杯三色冰，我以為入面彩色嘅係啫喱，咬落原來入面係爽嘅，落單姐姐話係馬蹄，真係大鄉里出城，小見多怪🤣🤣同埋好好飲，椰香加奶香，香甜滑💃🏻正正正又來椰椰Yeah~好似一球雪糕放在椰青上～每啖飯入口都有淡淡的椰香好多料，有蝦青口鮮魷腰果提子乾，仲有⋯椰肉！👨🏽‍🍳廚房都好有心機，我第一次見會起埋椰肉加埋落飯炒，通常都係自己食完個飯用匙刮來食，但大部份人都唔會咁做，有點浪費⋯一蚊一斤雞，一蚊一斤龜～🤣🐓今日係一蚊一碗咖哩雞，抵到爛！咖哩香濃滑，雞肉都多，仲有薯仔～東南亞味道～甜甜的～$1雞優惠，一至日，望落最抵應該係明爐烏頭😏下次要揀星期一嚟食！店內環境舒適有格調～

係Orange Elephant曾經食過佢哋嘅芋頭焗飯，9:30pm後扣埋discount後，覺得性價比不錯👍🏻 故此小弟昨日衝著佢哋餐廳9:30pm前嘅$1優惠嚟試試其他菜式，點知等咗成個幾鐘有多！🌚🌚🌚連個$1優惠都冇埋。。不過今次就要將就下，因為眼見佢哋嘅Waiter只得四個😢忙到踢晒腳 🌟椰青焗海鮮飯所有飯都充滿住淡淡嘅椰青香✨食得出冇太多調味料，但味道足夠☺️入邊嘅海鮮都好足，有魷魚，青口，蝦仁👍🏻 佢哋整焗飯嘅功夫真係不得了！要等咁耐位都總算值得 🌟椰汁西米糕好香椰汁味，西米亦都唔會黐埋一嚿嚿，味道比較甜，有待改善✨

今天約了好友吃泰菜， 去到九龍城區，選擇太多最後揀咗去［橙象］。 較早前也曾光顧，覺得食物質素唔錯坐得有比較舒服～而且重點係每天都有$1特選菜式～ 非常吸引！今天 款式係［泰式明爐烏頭魚］， 覺得好抵因為都係我哋鍾意嘅菜式！ 而且原價都要$169～烏頭魚屬於中size ， 底部墊滿椰菜，鋪滿各種香料，唐芹和頗多豬肉碎， 大大個酸梅， 酸酸辣辣魚湯夠熱， 超掂！這個特選椰青真的要 一再推介， 濃香嘅椰味～椰子水甜到呢。。 想外賣十個八個放喺屋企雪櫃隨時可以飲😁海南雞(半隻) $118金黃極雞皮， 冇咩肥油雞脾幾爽， 有雞味而且肉好滑， 美味！椰青焗海鮮飯上碟時成個雪山咁高， 混入椰青精华和椰子肉， 還有 魷魚, 蝦仁，青囗等海鮮。 整個飯也充滿椰香， 味道帶甜嘅椰青飯， 真的很適合愛好椰子味嘅朋友。芒果沙冰特飲 ～ 用鮮芒果肉打成沙冰，夠滑也有天然嘅芒果甜美，勁爽！餐廳區內頗受歡迎， 平日夜晚都差不多八成滿座， 而且有數張大圓枱， 人多開飯好地方。

九龍城係泰國餐廳集中地, 選擇較多, 途中經過見到Orange Elephant 門外展示了HK$1美食, 一星期每日有唔同菜式, 正正今日有我最愛既蝦餅! 就決定入呢間食餐泰國菜。平日晚, 餐廳內人流不少, 地方企理Menu上有齊泰菜大路款式, 例如生蝦刺身、冬蔭功、咖哩系列等等...是日HK$1 【炸蝦餅】雖然只係HK$1, 但份量同質素一D都唔馬虎! 表面不會太油, 入口好脆, 蝦餅鮮甜, 略帶彈牙, 配上甜酸醬, 味道提升!【椰青】HK$42每次食泰菜必點, 冰凍椰青水非常清甜, 可以刮到入面薄薄果肉【椰汁珍多冰】HK$28朋友就揀左珍多冰, 椰香味重, 但有D甜, 待冰溶左D, 甜度可以平衡一D~【泰式海南雞】半隻 HK$118第一次食海南雞係熱辣辣, 熱得出煙。肉質都幾嫩, 點上兩款海南雞醬, 辣辣地又幾好食。【椰青焗海鮮飯】HK$104熱辣辣上檯, 飯質濕潤, 有淡淡椰汁香, 入面有提子乾、青豆、兩隻蝦同埋魷魚, 整體味道較清。

九龍城出名食泰國菜，泰國餐廳林林總總，呢間位置遠少少，但同其他泰國餐廳唔同，裝修係比較新，環境舒服乾淨。之前生日嘅時候朋友都帶過我黎食，覺得好好食，今次知道有$1菜，梗係要嚟食多次！星期四嘅$1菜係飛天通菜，每日嘅$1菜都唔同，而且都好吸引！例如有烏頭魚，炸蝦餅，黃咖喱雞，炸豬扒，鳳爪沙律，絕對唔係hea野今次我哋兩個人，嗌咗個通菜，蒜蓉包，咖喱蝦，椰青飯同埋兩杯嘢飲。焗蒜蓉包 $37本身對蒜蓉包冇乜太大期望，都係諗住當配菜咁食。點知食落同出面嗰啲完全唔同，超級香脆！真係真係好脆，而且又香蒜蓉味，正！泰皇咖喱炒大蝦 $178黎到有啲嚇親，超大碟！有兩隻蝦，每隻分做兩件，食落好方便。咖喱唔會辣，但係好香，入面都見到用咗好多材料，例如洋蔥，芫荽，應該仲落咗蛋，所以食落好香好滑。蝦就正常，唔算大隻但係都新鮮。我哋用咖喱配埋蒜蓉包食，一流！椰青焗海鮮飯 $99未食都流晒口水，個樣超靚超吸引。上面有一浸椰汁嘅醬，好rich椰子味同好creamy，鍾意食椰子味嘅朋友一定要試。估唔到椰子配落啲海鮮係咁夾。而且海鮮份量都唔少！入面嘅飯係乾身，都好有椰香，而且重點係塞到滿晒，分量超多飛天通菜 $60有少

終於到左收工令人振奮既時刻，因為約左朋友食佢最中意既泰菜，食泰菜就梗係去九龍城食架啦！個度幾條街都係食泰國菜。我同友人經過餐廳門口見到$1優惠（如下）咁抵食！只限堂食！星期一；泰式明爐烏頭魚星期二；泰式香矛炸豬扒星期三；酸辣去骨鳳爪沙律星期四；飛天通菜星期五；泰式炸蝦🍤餅（3件）星期六；各式細支裝啤酒星期日；黃咖哩雞是晚係星期一，所以就叫左$1優惠菜式，粉絲炒雜菜煲同椰青焗海鮮飯，另外叫左2杯野飲（凍椰青同熱龍眼水），呢間餐廳裝修都幾別緻，牆身顏色都係用左橙紅色配合番佢餐廳🍴名既主題！😍等左一陣，泰式明爐烏頭魚登場啦！開住火慶住條魚熱騰騰咁食寧舍正d! 條魚size 適合2人份量，魚肉好鮮美，仲有好多椰菜同配料可以夾住一齊食😋，個炒絲雜菜煲清清地幾好，炒粉絲好煙un, 唔會好易斷，又唔會太鹹！最後個椰青焗海鮮飯效果幾新鮮，第一次品嚐椰青飯，佢仲有蝦，魚🐟，魷魚🦑等等，仲有提子乾，花生🥜，椰絲同椰肉撈埋d 飯一齊食，幾有口感！我就叫左凍椰青解一解熱氣，好清甜同埋椰肉都好多！超滿足食泰國菜的新體驗！😊😊😊++++++++++++++++++如果大家喜歡💕我寫既食評，麻煩比個❤️我，我會努力💪

1）今日係星期三有$1泰式鳳爪（味道好味，但鳳爪唔多）2）生蝦刺生（新鮮嘅）3）泰式拼盤 （蝦餅腥咗少少，魚餅好香，春卷同包雞都好味）4）泰式滷水豬髀（好味，肥膏較多）5）牛肋骨 （牛肉味香濃，軟硬度適中）6）牛油薄餅（比較細塊，唔香口，唔夠酥）7）蒜蓉包（唔夠蒜蓉味）8）椰汁青咖喱雞 （咖喱唔夠香, 雞肉軟少，雞肉唔夠滑）9）鹹肉椰菜苗（鹹肉太硬，椰菜苗唔夠新鮮）10）蝦球金邊粉 （味道一盤，唔夠鑊氣）11）椰青焗海鮮飯 （睇佢Menu張相好cream咁, 掙扎咗一陣，最後嚟到都唔算好Cream, 飯有椰香味）12）椰汁千層糕 （有椰香味，過份煙韌，暖暖地食幾得意）總括所有菜式味道可以，冇咩特別要讚揚，味道感覺有d變咗香港口味，唔係好傳統嘅泰國味道咁。*所有咕𠱸套都非常污糟，全部發黃，有黃點，仲有d係發咗霉嘅。之前睇其他人嘅評語話服務好差，但我就冇呢個感覺，只有一位待應比較目無表情d, 其他待應都幾好