影片
更多
2018-12-15
116 浏览
九龙城出名食泰国菜，泰国餐厅林林总总，呢间位置远少少，但同其他泰国餐厅唔同，装修系比较新，环境舒服干净。之前生日嘅时候朋友都带过我黎食，觉得好好食，今次知道有$1菜，梗系要嚟食多次！星期四嘅$1菜系飞天通菜，每日嘅$1菜都唔同，而且都好吸引！例如有乌头鱼，炸虾饼，黄咖喱鸡，炸猪扒，凤爪沙律，绝对唔系hea野今次我哋两个人，嗌咗个通菜，蒜蓉包，咖喱虾，椰青饭同埋两杯嘢饮。焗蒜蓉包 $37本身对蒜蓉包冇乜太大期望，都系谂住当配菜咁食。点知食落同出面𠮶啲完全唔同，超级香脆！真系真系好脆，而且又香蒜蓉味，正！泰皇咖喱炒大虾 $178黎到有啲吓亲，超大碟！有两只虾，每只分做两件，食落好方便。咖喱唔会辣，但系好香，入面都见到用咗好多材料，例如洋葱，芫荽，应该仲落咗蛋，所以食落好香好滑。虾就正常，唔算大只但系都新鲜。我哋用咖喱配埋蒜蓉包食，一流！椰青焗海鲜饭 $99未食都流晒口水，个样超靓超吸引。上面有一浸椰汁嘅酱，好rich椰子味同好creamy，钟意食椰子味嘅朋友一定要试。估唔到椰子配落啲海鲜系咁夹。而且海鲜份量都唔少！入面嘅饭系干身，都好有椰香，而且重点系塞到满晒，分量超多飞天通菜 $60有少
之前生日嘅时候朋友都带过我黎食，觉得好好食，今次知道有$1菜，梗系要嚟食多次！
星期四嘅$1菜系飞天通菜，每日嘅$1菜都唔同，而且都好吸引！例如有乌头鱼，炸虾饼，黄咖喱鸡，炸猪扒，凤爪沙律，绝对唔系hea野
今次我哋两个人，嗌咗个通菜，蒜蓉包，咖喱虾，椰青饭同埋两杯嘢饮。
焗蒜蓉包 $37
蒜蓉包
4 浏览
0 赞好
0 留言
本身对蒜蓉包冇乜太大期望，都系谂住当配菜咁食。点知食落同出面𠮶啲完全唔同，超级香脆！真系真系好脆，而且又香蒜蓉味，正！
泰皇咖喱炒大虾 $178
泰皇咖喱炒大虾
5 浏览
0 赞好
0 留言
黎到有啲吓亲，超大碟！有两只虾，每只分做两件，食落好方便。咖喱唔会辣，但系好香，入面都见到用咗好多材料，例如洋葱，芫荽，应该仲落咗蛋，所以食落好香好滑。虾就正常，唔算大只但系都新鲜。我哋用咖喱配埋蒜蓉包食，一流！
椰青焗海鲜饭 $99
椰青焗海鲜饭
7 浏览
0 赞好
0 留言
未食都流晒口水，个样超靓超吸引。上面有一浸椰汁嘅酱，好rich椰子味同好creamy，钟意食椰子味嘅朋友一定要试。估唔到椰子配落啲海鲜系咁夹。而且海鲜份量都唔少！入面嘅饭系干身，都好有椰香，而且重点系塞到满晒，分量超多
飞天通菜 $60
飞天通菜
5 浏览
0 赞好
0 留言
有少少辣，不过辣得过瘾，好入味，菜又新鲜，$1真系超级抵！！
我嗌左杯椰汁三色冰，朋友就叫青柠梳打。
椰汁三色冰啲椰汁好似冇沟过水咁，超重椰汁味，好香好滑，食完辣野饮番啖真系好正又解辣！不过佢入边啲三色冰我就第一次试啦，系硬身嘅椰子肉，几特别。
成餐饭都唔使$400，食到好饱，真系齿颊留香😂。老实讲呢间啲泰国菜真系好好食，朋友都系咁赞！而且喺九龙城泰国餐厅环境咁靓坐得咁舒服嘅呢间真系数一数二！就算冇$1菜都会encore
张贴
