御泰坊-泰越菜

营业中

休息中

今晚我們喺觀塘apm睇完戲之後去咗「御泰坊-泰越菜」食晚飯！我們叫咗海南鷄「半隻」一嚟到嗰陣就覺得同平日食開嘅唔同，因隻鷄係即時用啲鷄湯淋熱，之後就攞出嚟畀我們，所以肉質非常「硬實實」，而且相當「粗嚡」，真係令我們覺得超級失望呀！蒜蓉牛油泰式鷄翼炸得好金黃香脆，而且係將啲鷄翼剪開成單骨，雖然係食落會係比較方便，但份量相對就少咗！越南生牛肉湯河粉同越南鷄絲扎肉湯河粉一開始喺落單嗰陣我們同店員要求話要多湯，同埋要啲湯熱啲，但出到嚟，啲湯仲比正常嘅少咗，就連隔離檯見到都話：「嘩！點解咁少湯？」所以我們就問店員再加返多啲湯，但店員就喺「黑口黑面」同好唔願意之下攞畀我們，而且態度仲要非常差劣，真係有種「貼錢買難受」嘅感覺！燒牛扒配糯米飯青檸辣椒汁係咁多樣嘢食之中最好嘅，因牛扒嘅肉質相當鬆軟，肉味亦非常濃郁，糯米飯嘅質感好煙煙韌韌，用啲生菜包著嚟食，感覺好清新同唔會有好油膩嘅感覺，不過最值得一讚嘅係呢個醬汁，味道超惹味醒胃同令我們回味無窮！

朋友相約聚餐，就黎到APM搵野食，原本打算食日式火鍋，可惜人太多，唔想排，見呢間御泰坊有位，可以即時入座，所以就改係呢間食泰菜。印象中之前大家都相約過係呢間食飯，食物味道唔差，所以改食呢間都冇異議。一坐低就即刻睇下點咩食。泰式鮮蝦金柚子沙律用小小既玻璃樽裝住，份量有D少，鮮蝦肉質爽口，柚子清而不苦，配以香脆既腰果和清新既蔬菜，作為前菜實在唔錯。馬拉盞通菜應該係好難會煮得難食既一道菜，除非D菜好老或者煮到好老，所以D醬汁穩定，份量適中就唔會出意外！呢碟馬拉盞通菜係穩陣之選，唔錯架~泰式鮮蝦金邊粉係用粉絲去炒，配以蝦肉、瓜絲、紅蘿蔔絲等，份量剛好，味道唔錯，又係穩陣之選，好快清碟！見餐廳推介星洲咖喱軟殼蟹南瓜盅，就叫咗黎試下，估唔到會咁令人失望南瓜盅先以小型南瓜掏空入面南瓜肉作為器皿盛載已切件既南瓜肉、軟殼蟹和咖喱。賣相唔差，但泛起既油光顯得有點油膩。食落發現南瓜同埋D咖喱味道唔夾，而且軟殼蟹咬落一陣油膱味，搞到個個停哂手，食唔落去，剩返好多！炭燒豬頸肉配辣椒汁係食東南亞菜必叫既！用炭燒呢個方法去烹調豬頸肉，令肉質留有獨特炭香味，配以辣椒汁更惹味！因為大家都仲未飽，所以叫咗碟馬拉盞炒西蘭花

是日晚餐——御泰坊 女朋友喜歡泰國菜，所以每次嚟APM都睇一睇多唔多人排隊，次次都排1個幾鐘頭先入到去食，今次好好彩，一嚟到唔使排隊，10分鐘後門口就企滿晒人。 😌泰國餐廳烤魚必叫是常識吧！

友人推介好吃，與家人4人來吃，4百多元吃得飽飽的有book位，等了3個字就入得環境舒適，乾淨，裝修幾靚，牆畫幾得意蝦餅夠脆好好味雞糯米飯好開胃，輔泰式香料，雞脆脆地椰青味道ok，4十幾好似偏貴馬拉盞炒通菜夠晒香香芒軟殼蟹米紙卷味道好特別，芒果配軟殼蟹同塊皮感覺係好清新，推介一試!夠$400仲送左碟春卷 4個人飽到不得了

一個愉快的家庭聚會午飯，跟老人家及叔叔三人同行食泰國菜，更可妨今日係叔叔破費午餐大約是四十餘元起...但全不包飲品越式生牛河$48....上枱時生熟度剛好，入口不會太老、只可惜湯底不是太濃，略欠失色鹵水鴨河$48....鸭肉雖薄，但十分鞋口、湯底一様不濃反而加$小食蟹子扎肉米紙卷$28.就爭回些少分數，蟹子混和扎肉包在米紙裏，沾上酸甜槳，特別醒胃至於鮮芒果汁$28.及夕陽醉了$38.我更覺喜歡、鄰坐水吧旁，看其手作即做新鲜生果，入口甜度又剛好椰靑，叔叔至愛、內胆果肉也給他消化了一半甜品，反映了餐廳之不小心、為何不是當地椰汁糕點，而是交來之士多啤梨蛋糕