Morokok (家樂坊)

营业中

休息中

話說今次已經係第4次嚟到呢間餐廳了😜決定要打番個食評比更多人認識呢間餐廳🤣平日同朋友多數係旺角搵餐廳一聚，呢間餐廳位於家樂坊8/F，地點都算易去🤣!重點係餐廳雖然話限時90分鐘，但試左幾次平日夜晚食，都可以任坐🥹！所以真係一個好適合同朋友聚會談心嘅好地方！🌟七味燒魷魚筒 $108魷魚筒好入味，燒得好香，仲有少少辣咁，食落好煙韌🥹彈彈地牙！正！🌟芝士焗番薯條 $88呢款係我每次必點小食😍芝士熱辣辣，溶溶地，配搭落甜甜嘅番薯條，真係出奇地夾！食落仲好開胃tim!!!番薯條又唔會太淋，脆脆地！好好食！😋🌟泰式海鮮菠蘿炒飯 $148原本以為會有菠蘿殼裝住上菜，但原來碟上，擺設上有少少失色！但真金不怕洪爐火，就算碟上都炒得好有火氣！材料重好多，啖啖食落都好有口感！由其真係好愛食有腰果嘅菠蘿炒飯😎！🌟泰式青咖喱豬頸肉配香酥餅 $138呢款就不過不失，比我想像中辣🤣但好惹味，食到攝攝聲，好過癮🫣！豬頸肉肉質爽口，唔會太淋！香酥餅亦熱辣辣，好脆口，好食😆！🌟椰青 $50正常口味椰青一個！ 🤣🤣餐廳有多款甜品可以order，若果想慶祝生日，亦可以喺餐廳order甜品當生日蛋糕送上，係慶祝生日嘅好地方之一

成日出街食咪話唔貴，今日用app搵到間摩洛哥風情、幾適合打卡嘅泰國fusion菜餐廳【Morokok】5:30入座仲有6折抵勁多，3款食物2杯飲品埋單都係$400有找！🦪珍珠蠔蛋餅蠔仔同蛋漿比例均勻，炸得鬆脆香口，蠔肉十分鮮味，拍得住大排檔嘅水準！好食到停唔到口😋認真唔錯👍🏼🧅脆炸洋蔥圈外脆口內裡又keep到洋蔥水份，美中不足係外熱內冷，溫度唔一致🦀泰式青咖喱意大利飯伴黃金軟殼蟹軟殼蟹大大隻賣相吸精！表面被濃濃嘅鹹蛋黃包圍😍口感外脆內軟；經過油炸嘅軟殼蟹沾上鹹蛋黃，再配埋青咖喱飯食，頭兩啖幾正，但食多啖就覺得滯，建議搵多個朋友share👯🧉椰青食泰國菜點可以唔飲椰青?! 食咁多炸嘢梗要飲啲fresh嘢中和返飽滯感。椰青水份好多，椰子肉都容易刮到黎食，但椰子水偏淡唔甜😌🍹特濃抹茶鮮奶

Morokok位於旺角嘅店舖空間超大，位置分為室内同室外，不時會推出唔同主題嘅下午茶套餐，例如紅遍ig 嘅櫻花和服下午茶🌸餐廳主打泰國菜同時都有其他款式選擇，仲要內部有好多影相位😍一入門口條花海隧道已經吸引唔少人未食飯先打卡📸1.蛋漿黃咖喱軟殼蟹配香酥餅 $168極邪惡重口味必食🤩濃稠嘅黃咖喱香料味十足好惹味，軟殼蟹同咖喱簡直係絕配，仲未滿足最後仲可以食埋個香酥餅，香口酥脆2.蛋包炒金邊粉配大虎蝦 $148金邊粉特登整咗個蛋網包住幾有心思，大蝦超大隻肉質彈牙，金邊粉炒得偏乾身，味道都係酸甜同一般金邊粉差唔多，冇太大驚喜3.鵝肝野菌意大利飯 $168鵝肝油脂滿溢😍一啖意大利飯加上鵝肝真係超滿足，意大利飯硬度恰好，仲加上唔少芝士，建議share食會冇咁膩，同埋上枱要盡快食如果唔係啲意大利飯會杰哂😂4.椰青 $50食泰國野飲點可以唔飲椰青，原個上超大個﹐清甜舒爽又可以解膩💦🌟推薦指數：8/10▫️▫️▫️▫️▫️▫️▫️▫️▫️▫️▫️▫️▫️📍Morokok (家樂坊) (旺角)旺角登打士街56號家樂坊8樓801號舖

泰式辣茄汁墨魚麵伴香煎美國帶子 $168首先帶子煎得好香口 食落好爽口 而辣茄汁既整法會帶出墨魚汁既鮮味 辣味唔算太重 平時唔太食辣都會接受到 整體黎講個意粉食落都唔會乾身 仲有好濃既墨魚汁味🦑加埋微辣就更加jeng🤤評分: 8/10🌟冬陰功意大利飯伴照燒原隻筒魷 $168西泰既fusion菜係香港算係比較少見 但呢個整法令我好surprise 食落勁出色！冬陰功平時飲落好香帶少少酸同辣 而呢個risotto完全吸引個冬陰功既精粹 愈食愈開胃 加埋照燒既筒魷 真係好滋味😋評分: 9.5/10🌟雙色芒果糯米飯 $88雙色糯米飯有藍色同綠色兩款 分別係蝶豆花同班蘭味 蝶豆花食落冇乜特別 同普通糯米飯冇分別😂 而班蘭食落就有陣陣班蘭香味 感覺好清新 加埋香甜既芒果🥭同濃郁既椰汁🥥 夾埋一齊食非常滿足🥰 評分: 9/10🌟椰青 $50原個椰青都算大個 椰青水飲落都好多 而且非常清甜 夏天飲就最適合不過🌴🥥 店舖仲會俾埋一隻鐵匙羹俾客人去刮啲椰青肉去食 飲完成個椰青透心涼😚評分: 10/10🌟———————————————————————Morokok (旺角)旺角登打士街56號家樂坊8樓801

開業不久，加上在旺區，平日八點半去取位，九點三左右就有位，唔想等嘅朋友記得訂座🍷坐低第一時間看餐牌長身的是飲品Menu，茶類/汽水/MOROKOK SPEACIL呢間餐廳係有得飲酒🍻 Cocktail名好盞鬼，酒類還有生啤/手工啤泰式香茅特飲朋友話一場黎到，不得不試吓泰式飲料。用了梳打做底，很重香茅和薑味，第一下入口辛辣，解渴消暑100分，只可惜不合友人的口味個人應為都冇想像中咁差嘅椰青呢個都要講一講，因為有啲地方飲嘅嘢青係唔夠甜，呢個椰青係夠甜！美中不足嘅係價錢較貴💰蛋包泰式炒金邊粉伴扒大虎蝦I love Pad Thai 💕第一道菜好快上到， 15分鐘內已經到，作為一間打卡的餐廳，食物水準算是不錯，花生粉、香菜、青檸等配料齊全，金邊粉味道濃郁，大頭蝦多膏🍤重點係影咗相10幾分鐘，撈開金邊粉都仲出煙泰式菠蘿炒飯以為用波羅外殼盛飯，取而代之的是濃濃摩洛哥風格的器皿，炒飯配料有提子乾、 肉鬆、腰果，口感豐富。個人對菠蘿炒飯冇執着，味道合格有餘侍應嘅服務態度方面，亦都冇其他評論講得咁差，侍應生笑容滿面，都算值得一讚另外設有戶外區，可以食水煙及大屏幕播放電影🎬