古月

营业中

休息中

星期五晚dinner time 7:00去到，咁岩有位可以即刻入去過多5分鐘已經大排長龍了價值相當相宜，$60就有大大碟椰香雞飯好有椰香味，送晒成碗飯有餘🤤🤤肉桂奶茶好夠味，好飲到停唔到呢排疫情緣故，店員會問定想用即棄餐具定堂食餐具。我揀左堂食餐具，覺得都洗得好乾淨，可以放心用其實一個飯加飲品已經好飽，但朋友想試埋珈央toast😐😐真係捨命陪君子叫做不過不失有烘脆，珈央醬都夠，只係食完正餐再食，真係飽過龍😂😂😂

同朋友今晚係北角，呢到錦屏街後街搵野食，見到呢間有米芝蓮推介就決定試下都見坐滿人，剛好我地到既時間有人走，所以唔洗等位我地叫左招牌古滑雞飯同椰香雞飯等左5分鐘就上菜，非常快新加坡式的海南雞飯，雞件較大，非常適合食肉獸的我雞好滑，熟度剛好醬汁微甜，很好送飯椰香雞就係炸雞配椰醬略嫌普通，但雞件都嫩滑，椰汗亦甜度適中中意椰汁既朋友可以一試餐廳環境燈光舒服，同朋友食完坐左係到一直傾計都冇趕客，仲幫我地加水，呢個加分我相信我會再光顧試其他菜。

係北角某後街，旁邊亦有幾間新開食店，今天下雨天，下午六點來到還未有客人，店內牆上有壁畫，有新加坡風味。餐牌選擇不是很多但剛好，我地叫咗一碗蝦麵，話每日有限碗數，仲有叫咗椰香雞飯，另外叫咗兩杯特色飲品，三色奶茶同冰糖羅漢果冬瓜龍眼水。蝦麵$78 ，價錢實在唔平，又唔係好大碗，有三隻蝦仔，湯底好普通，味道其實有啲淡冇乜蝦味好唔值。椰香雞飯$58，好又椰香味，甜甜地幾特別，撈飯一流，但飯嘅份量比較少。三色奶茶好正，來嘅時候上中下有三種顏色，下面兩層應該係煉奶同糖漿，mix 埋尚可不會超甜。諗住叫返杯潤喉下火嘢，但是龍眼水太太太甜，飲一淡已經唔想飲