芝麻綠豆甜品屋

营业中

休息中

今晚人客多啊，試了紅豆沙燉奶（不過不失，始終粒粒紅豆會較好，這樣燉奶味會更突出）但配上蓮子加了口感、楊枝甘露，有幾粒芒果肉及柚子（不太甜啱我，外面的通常是糖水=糖加水做的芒果味甜品🍮）、糖不甩（要沾滿自家打磨花生🥜碎才好吃）、及養顏蛋白杏仁茶（好香杏仁味）

今晚和朋友在大埔吃完美味牛肉火鍋之後，坐港鐵回紅磡，本來想在隧道口坐巴士回家，點知老公話去紅磡吃糖水，我都覺得飯後欠了甜品係差少少，因為豐富美味的晚餐，又點可以欠了一個美味甜品。我要了楊枝甘露加藍莓雪糕(＄37)－芒果汁味道濃郁，柚子肉好多，可惜藍莓雪糕味道好淡，完全食唔到藍莓味，只係食到奶味，普通一般雪糕。老公要了喳咋($24)附有湯圓，有大塊蕃薯、芋頭，紅豆煲得好淋，湯圓一般，最重要係唔太甜同好飽肚。我覺得藍莓雪糕係要加強藍莓味，我會俾多些分數，現在只是四粒星😂😂😂