Home Sweet (已結業)

心血來潮想吃點甜甜的 元朗甜品店眾多 但集團式刻板經營的不少 是晚就來試試小店吧店子小小 門面裝飾簡潔俐落榴槤大雪 $26 餐牌上建議成個用手拎住食 但因想與老公分甘同味 店員亦細心送上碟子和餐具外皮柔靭度剛好 榴槤肉塞滿大福 罪惡的美好原個椰皇燉蛋白（熱）$42 晚上8時後供應 椰皇夠「後生」椰肉一刮就出 好好味 蛋白亦香滑不會過甜 意式特濃咖啡伴雪糕 Affogato $39 雪糕口味可自選雲呢拿/ 曲奇/ 朱古力 老公選了最純粹的雲呢拿味 賣相整體不俗 咖啡味夠濃 價格相宜 不錯吃店子地方不大 但亦因此能近距離感受到店員們分工合作的温馨 喜歡是晚平凡的小幸福 會再來的

星期六打完波食完晚飯，當然要再加個甜品先至係圓滿的一天啦Home Sweet的地方小小，只有十多個位，星期五、六通常也要等10多20分鐘才可以入內的，但因為我們8點左右已到，所以店內仍是空無一人的。小妹點了的是Creme Brulee 加曲奇雪糕，盛惠HKD32。這燉蛋的蛋漿肯定是很豐厚的，因為蛋味濃郁而且一點也不會過甜，還不錯啊！但曲奇雪糕側不提也罷了。榴槤大雪才是這裡的招牌，每個盛惠HKD26那糯米皮又薄又煙韌，包住一層不多也不少既滑溜溜Cream，而作為主角的榴槤餡亦非常稱職，又香又Creamy~~~ 吃完一個後的感想是.....其實我可以食兩個架

路過發現有間細細的甜品舖...只見很多人外賣因店內坐位不多, 我對大雪好有好感..加上是我最愛的芒果和榴槤所以我必試!!!!!!!店員好細心說明白色是榴槤黃色是芒果回家後急不及待開餐大大的大雪, 面頭似是糯米滋的質感很煙韌又不會太厚...內裏有CREAM份量適中最重要是不會太甜,,因我好怕吃CREAM會很漏....到最後是榴槤果肉真是很足料..其實一切開已有陣陣榴槤香飄出來.. 愛榴槤者必試~吃這個不切了,,急急咬了兩口...芒果肉十分多應該是呂宋芒...很香很甜...跟老公一起爭食下次要一人一個!!!!!!!!!!!!!!

食完午餐，附近都是五金舖！眼睛望到近河畔有間白色店舖行去睇原來係間小甜品店，白色主調簡潔！店內好細，幾張小桌椅，兩個雪櫃加個小廚房就無位置剩！甜品主要係西式水果為主，都有幾款中式糖水，不過我只買外賣！以易拎為大前題，見雪櫃內嘅大雪幾靚，脹卜卜又雪白，成糰雪球一樣，味道有兩款，各要一個，大雪本身有個紙兜再加個紙盒，尺寸剛好放兩個，仲有透明蓋可以睇到個大雪狀況！加中份忌廉泡芙！泡芙用紙袋袋起，再加個膠袋！只收現金！芒果大雪（$22）外皮薄兼煙韌，中央有滑滑忌廉，唔會過甜，好輕盈嘅忌廉，加大塊清甜芒果肉，唔酸，雖然大件但食落唔膩！榴槤大雪（$25）：我唔食榴槤，肥髀食，未食唔覺有榴槤香味，一咬開個皮就湧出來，榴槤肉配忌廉剛好！肥髀食晒！忌廉泡芙（$22）：一碟碟放在雪櫃內！買來做晚後甜品，忌廉比大雪內嘅忌廉厚重啲，外皮唔夠鬆，始終一早做定！外皮唔夠脆！一般！店員好有禮！包裝時會提醒我大雪黃色紙係芒果，白色係榴槤（因為外表睇唔出）因為我未咁快回到家，所以問佢放室溫一陣得唔得，佢話個幾鐘都得，不過雪凍好味啲！好細心！