熊貓甜品屋 (已結業)

同開家人去偉晴街打邊爐，食完火鍋後仍然意猶未盡，所以再去食個甜品，等件事更完美，哈哈這店都係同一條街，而且都嚟過幾次了，最鍾意此店就係望住佢啲熊貓開心食芒果豆腐花 $28芒果好鮮甜唔會酸，而豆腐花都好順滑豆香媽咪鍾意榴槤，所以點了榴槤飄香椰皇 $48 上檯時已聞到好香榴槤味，仲幾足料啖啖榴槤肉，而入面仲有用椰子水整嘅果凍，好香甜鮮什果楊枝金露 $32爸爸就愛食生果，所以嚟個鮮什果，生果好新鮮，而楊枝金露都做得不錯呢到嘅甜品算平靚正

現在太多甜品店,一定要攪啲新意思,先有買點。好似依間甜品店,就用了熊貓作招來,不但門口有隻大熊貓,內裏的裝修都一 樣,不乏熊貓的裝飾。更可愛嘅係連碟都係唔同款式的熊貓。我地叫咗兩個甜品,一望個餐牌,見到有榴槤甜品,我依個榴槤控梗係二話不說就叫了個榴槤飄香椰皇 好多榴槤肉在面頭,好香,小店原來用了椰皇肉做啫喱,淡淡色,所以一啖啖椰皇香味,而個汁是用榴槤汁做嘅,所以食得特別香濃,椰皇肉做嘅啫喱,好滑,一啖一啖吞落肚,好美味而友人就叫了桂圓紅棗燉雪梨 原個雪梨,加了很多紅棗和龍眼肉,熱辣辣,好滋潤,紅棗和龍眼嘅香味各有特色,加埋雪梨,很清甜,很潤肺,一個不錯配搭的甜品食完飯嚟滋潤下,真是唔錯的選擇.

番完夜班即興約朋友出黎食甜品由於柯士甸果間靜悄悄地唔知幾時執左唯有openrice最近既甜品舖，搵到呢間熊貓甜品屋門口有隻大熊貓，我多手搣左下，手感唔錯一坐低就有隻薛家燕樣既熊貓牙籤桶(朋友講嘅)咁餐牌其實有兩邊，我唔記得影一定要食榴槤嘅我就叫左個榴槤飄香椰皇凍呢間都係有放榴槤肉嘅，榴槤汁亦好濃郁下面就係D椰子凍嘅物體，整體黎講都唔錯朋友叫左個白色情人，我問佢味道如何，佢話好有椰子味雪糕係雀巢雪糕味。之後無再問呢間野有下午茶同小食，我地叫左兩款春卷&咖哩角 + 炸薯條兩款小食都食新鮮熱辣炸出黎，好脆口而且呢度D薯條整得唔會話好油膩同咸，食落都無咁大罪疚感第一次幫襯整體感覺唔錯，服務都ok幾有禮貌下次會再黎試唔同嘅野

嚟呢到食甜品真係幾開心😄超鍾意佢成間舖都係熊貓，由檯櫈到擺設，仲有牆上啲畫，仲有係餐具都是熊貓啊😍舖仔細細嘢食又唔貴<榴槤飄香椰皇> 🌰$48本人咩都食，但奈何係唔食榴槤😑當天朋友食到舐舐脷，見到係勁足料榴槤肉，朋友話夠濃夠香😝入面仲有用椰皇水做嘅清甜啫喱<小熊焦糖蜂蜜吐司伴雪糕> 🐝$48呢個之前我嚟食過仲介紹過比大家😏🍞吐司脆身🍯焦糖醬🐝蜂蜜⚱️吉士醬🍨一球雪糕～你話邪惡到呢😈周圍仲有生果添啊<芒果三重奏> 👅$48其實係芒果拿破崙千層酥+芒果班戟+芒果雪糕，呢個千層酥夠脆😌芒果都幾甜

熊貓專一至死....不理如何傷悲...........何解會唱起歌上來? 皆因黎到呢間以熊貓做主題佈置既甜品屋, 真係不禁要講句: 熊貓.......全部都係熊貓..........店舖面積骨子, 裝飾全部以熊貓做主題熊貓當然唔食得, 要望下餐牌有咩好食先?侍應問我食唔食榴槤? 我答....至愛呀, 佢就推介我食呢款榴槤飄香椰皇($48), 食具都不離熊貓樣.........勁!原個椰皇作容器, 裏面包括有清香椰皇凍, 透明質地, 食落清甜好香椰味, 滑嘟嘟好似食緊啫喱咁, 面頭伴以一球榴槤肉, 食落果肉味濃郁, 質感又棉又滑, 超正呀友人唔食榴槤, 佢當然另叫一款岩晒呢輪秋冬天氣日子食既椰皇南北杏木瓜雪耳($32), 有熱有凍選擇, 熱食會更滋味D材料"釀"滿左係個椰皇入面, 甜美既木瓜粒配以爽口既雪耳, 偶然又會食到南北杏, 糖水甜度適中, 友人表示食完喉嚨舒服晒, 個人即時覺得無咁DRY...............哈!見到餐牌有吐司, 我地兩個無需商量, 一致決定要食, 咁就叫埋呢款小熊朱古力蜂蜜吐司伴雪糕($48), 賣相相當有份量, 可以自選雪糕球味道, 香脆多士上淋上朱古