甜甜屋

营业中

休息中

黎西灣河唔一定會去太安樓，但就一定會去甜甜屋😛甜甜屋係我同朋友一致好評既甜品小店👍🏻👍🏻甜品種類繁多，港式、西式應有盡有，而我就最愛爺爺系列同椰皇系列，間中都會叫下其他榴蓮甜品👨🏻‍🦳爺爺系列同椰皇系列都係以椰皇為主食材，可以根據喜好選擇配布丁、芒果、榴蓮、蛋白等~🥰今日就同朋友叫左-🥥椰皇燉鮮奶-哩個大概係我大部分朋友既大熱門，以椰皇盛載一上枱熱辣辣並呈現流質狀態但隨住溫度降下，燉鮮奶會漸漸凝固成固體再加上椰肉可以話椰皇版既出奇蛋，一次過滿足你三個願望~🥳🍧榴蓮飄香-係榴蓮愛好者的天堂，有一大球榴蓮肉配上榴蓮雪花冰、蘆薈、椰果口感豐富、冰冰凍凍，最適合夏天享用☀️一開始黎甜甜屋以為得好少位，但其實哩度有兩層，就算而家疫情有距離限制都唔會等太耐，快d去幫襯下真材實料既小店啦🤓💪🏻

西灣河嘅甜甜屋係我最常同朋友食糖水嘅地方，除咗環境舒適，店員態度親切之外，呢度嘅甜品更係款款都高質細緻，選擇眾多，每次試唔同嘅款式都會好有驚喜。基本上以上每頁我起碼試過一款，每次要揀食咩都花盡腦汁因爲真係樣樣都好出色係食過佢咁多款甜品之後，我最推介嘅會喺呢度嘅芋圓粒粒芋圓又大又好咬口，Q彈之餘，咬開每粒圓入面都會見到一絲絲嘅番薯絲同芋頭肉，真係真材實料，聞到好香原材料味，係好正統嘅手工芋圓所以無論嗌咩甜品我都會再單點一份芋圓（$15），係必食之選。如果有朋友係榴槤控，我會推薦呢個榴槤飄香比佢。一放上枱就已經聞到好香榴槤味，而味道主要係嚟自面頭嗰一球新鮮榴槤肉。榴槤肉好濃郁，好creamy一啖榴槤肉配一啖榴槤雪花冰黎食好夾。旁邊亦有蘆薈肉同椰果作配搭，呢種清新嘅味道可以中和返榴槤肉嘅甜膩，所以好快就食晒成碗最後推介埋佢哋嘅椰皇系列。第一次食呢個芒少爺就覺得好有驚喜，先係原個椰皇上，賣相好靚，上面一層嘅係好濃稠嘅芒果西米露底，加大大粒嘅小丸子，西米同小丸子好彈牙，而芒果肉都好大粒。下面底層係椰皇凍，佢嘅椰味好清新鮮甜，兩者配搭好創新呢度除咗有創新嘅甜品之外亦有經典懷舊嘅甜品例如：馬豆糕、芝