糖宮甜品專門店 (積信街)

营业中

休息中

飯後甜品次次都會發生，大圍咁多間甜品店，選擇困難症發作。@.@店鋪位置唔係大街大巷，要搵一搵！一睇menu，又係好多選擇，中式、西式同特式！最後選擇左榴蓮椰椰同熱雪耳津梨燉海底椰。榴蓮椰椰$62好得意既名，係用椰皇，再配上榴蓮肉加西米露同小丸子，非常豐富既材料，原來椰皇配榴蓮個味道係咁夾，而榴蓮雪糕非常好食，榴槤味非常濃郁，第一次食咁好味既榴蓮雪糕，真係掂呀！熱雪耳津梨燉海底椰$32材料多過糖水，有幾舊大切梨，好足料，糖水自然的甜，食完好潤喉，正！

今晚真係有意外驚喜，晚餐後，我同友人去左大圍積信街附近一間「糖宮」甜品店食甜品，店鋪位置唔係大街大巷，所以人流唔多，但甜品質素非常高～入到去坐底，有好多特色甜品，老闆推介幾款甜品比我地，話「主打推介」，有椰皇燉蛋白、榴蓮椰椰及波多野結冰（好攪笑果名），最後我同友人選擇左後者兩款～榴蓮椰椰，椰子燉蛋白配上榴蓮肉加西米露，味道好夾，蛋白好滑，而榴蓮雪糕非常好食，好香榴蓮果味，老闆話用金枕頭整，真心講句：未食過咁好味既榴蓮雪糕另一款甜品：波多野結冰，名得意，賣相都好吸引，用原隻菠蘿整，配涼粉、水晶粉加菠蘿炒冰～一流老闆好nice、健談、有熱誠，睇得出佢對自己既甜品有要求、冇諗過大圍橫街窄巷入面有一間咁高質素既甜品店，下次我都會再encore

深宵食堂大圍出名多野食甜品亦唔例外但好嘅真系唔多糖宮系OpenRice系大圍區數一數二排名嘅所以即管去試下今次系第二次黎榴槤椰椰推薦一定要食好好味連個榴槤雪糕都好正好足榴槤肉同味 加埋小丸子好夾入面仲有D燉蛋白Tim下面系芒果布甸嘅配搭一般 比圖呃左以為系芒果汁（因為好黃）點知原來系花奶或者系我無睇清楚D字呱無咩特別可試可唔試朱古力心太軟整得幾好食 即叫即焗 而且配兩球雪糕本身第一個心太軟焗爆左佢地即刻通知我地轉唔轉第二款因爲要等好耐我覺得佢地哩點做得幾好好多舖頭焗衰左都會照出比客或者系佢地食物質素嘅專重呱椰皇燉蛋白（凍）椰汁味唔濃或者因爲凍嘅關係比較失色總括黎講佢舖頭推薦得嘅都好食即系「榴槤椰椰」同「心太軟」有興趣下次試下個「菠多野結冰」我諗推薦得都好食嘅！唔知系因為上次人少而且老板又系到所以上次服務好好應該系「老板」系暖男黎架🤣對比下今次服務差左D不過都OK 可能因為今次太忙🙈有時間下次會再黎