蘇媽.蘇媽馬來西亞茶餐室

营业中

休息中

搬左出黎住之後，間唔時都會約下呀爸呀媽出街食飯，今次同媽咪撐枱腳食馬來西亞菜，唔好次次都食中菜咁悶嘛～🌖百吉爹肉骨茶(棒棒骨）$92肉骨茶主要分藥材同胡椒兩派，蘇媽蘇媽嘅肉骨茶走藥材路線，但中藥味比較溫和，容易入口。棒棒骨係豬仔脾，有支骨揸手，可以好似食雞脾🍗咁豪邁進食，啖啖肉得黎又嫩滑，骨肉非常容易分離，可見煲得夠曬火候。肉骨茶未上枱前，店家已經斟定碗熱湯俾我哋享用，肉骨茶又有一大碗湯，食完肉骨茶之後店員仍然不停主動refill熱湯，服務真係好好👍🏻！🌖檳城亞參叻沙米線 $58味道衝擊！同平時食開嘅叻沙好唔同！用料比較清爽，包括魚肉、青瓜🥒、生菜、紅洋蔥🧅、菠蘿🍍、辣椒🌶️、薄荷葉；因為有亞參關係所以湯底帶有酸味，又酸又辣好開胃，夏天熱得滯無乜胃口的話好適合食呢個！叻沙另附蝦膏（要問店員拎），味帶鹹香，直接放麵上或湯內都適合。🌖椰香咖央多士 $32多士外脆內軟，睇顏色已經知道烘得恰到好處；咖央甜度適中，份量唔會過多，另外仲有薄薄一層牛油，調和一下咖央嘅甜味，每人食兩件都唔會膩。🌗愛他愛她 3串 $48「愛他愛他」其實係譯名黎，原名Otak-otak，又名烏達，係馬來西亞🇲🇾特色小食，將

1️⃣ 百吉爹肉骨茶（棒棒骨）$84三條棒棒骨，湯入面仲有豆卜、金菇同枸杞。肉骨茶有好濃藥材味，絕對唔會係hea你嘅肉骨茶；棒棒骨影落係幾得意，但食落就真係普通，有啲乾身又有啲柴，有啲失望；其他配料本身都幾吸湯汁，可以免費添飲㗎～2️⃣ 檳城亞參叻沙米線 （跟蝦醬）$55呢碗叻沙同平時係香港食到嘅唔同，平時食到嘅係比較似新加坡嘅叻沙！魚肉湯底除咗有啲魚蓉係入面，仲可以跟埋蝦醬，湯底嘅味道酸甜辣又帶有魚腥味，極重口味！！意外地幾鍾意呢種風味，辣味又夠。不過留意返呢碗叻沙係冇魚片/肉，成碗都係青瓜絲，紫洋蔥絲，生菜絲同兩粒菠蘿，食落口感都幾豐富。3️⃣辣死你嗎配仁噹牛肉 $55係去到馬來西亞必食嘅椰漿飯，飯帶有啲椰漿味，不過啲飯係凍嘅，上面仲有半隻烚蛋；參巴醬比起馬來西亞嘅參巴醬嚟講偏甜同冇咁辣；側邊嘅仁噹牛肉微辣；仲有花生、炸魚乾仔、青瓜片同炸蝦片，正正常常。4️⃣玻璃魷魚配通菜 $52 玻璃魷魚爽口彈牙，配埋嗰醬幾香口，夠晒辣（唔食得辣嘅朋友要三思），但通菜有啲老同乾，略嫌可惜，$52嚟講唔太抵食。✴️整體而言，個人覺得呢間馬來西亞茶餐室嘅嘢食普通，算係喺香港可以食到馬來西亞嘅菜式，但就未到其他人講到咁

出開荃灣，剛巧路經蘇媽荃灣分店，便入內進餐。裝潢跟深水埗店一樣貫徹傳統馬拉風格，但用餐空間較為舒適，座位亦闊落寬敞更多。檳城白咖啡 ($18)咖啡柔和香醇，充滿奶香，溫潤的口感，入口滑滑的。檳城亞參叻沙米線 ($52)以帶酸辣的濃湯配米線，再加入魚蓉、青瓜、生菜、紅洋蔥、辣椒、菠蘿、薄荷葉和蝦膏等配料。味道濃厚，米線彈牙和吸盡濃湯，辣勁十足之餘亦帶有酸味，惹味醒胃。椰香咖央多士 ($26)多士烘得脆脆的，咖央醬亦塗得厚厚的，入口充滿椰香。