Espresso Alchemy

营业中

休息中

難得表哥放大假，所以，約咗佢出嚟食個高檔早餐。海港城嘅「Espresso Alchemy」食過一次晚飯，知道食物質素高，咖啡好，最緊要喺環境舒服嘛，又可以坐耐少少傾吓偈。開放式鋪面主要喺落單買食物，而主用餐區就晌鋪面對住嘅商場空間，地方頗大，座位亦好闊落，裝修帶點歐陸風，因為有設計成拱門形嘅窗框，又有啲波波燈，整體感覺寫意。   如大多數嘅咖啡店，都會兼營售賣不少咖啡嘅相關產品，如濾杯、濾紙、咖啡豆……等等。早市時段提供配上咖啡嘅早餐，款式有全日早餐、奄列、意大利三文治及多士，配即磨咖啡，亦可以加$10轉為其他意式咖啡。 餐廳採半自助形式，晌收銀處落單後，收到號碼牌，就由店員將食物送上，亦唔收加一服務費。 此外， 店員會送上餐具，不過，額外嘅餐具、清水、紙巾、調味料……等等，可以晌自由櫃枱隨意取用，當然，唔好濫用，唔好浪費啦。檸檬汁烤雞煙肉意大利三文治 $69曾經晌其他分店食過佢哋啲意式三文治，做得喺唔錯，而呢款有檸檬汁烤雞肉，又搭上煙肉，幾啱小弟口味。麵包烘得靚仔，拎上手熱焫焫，入口麵包烘至外脆內軟，而裡面餡料非常之多，烤雞嫩滑有檸檬香清香，而煙肉煎得脆口，整體味道惹味，喺有質素嘅意

之前食過尖沙咀分店已經對呢間咖啡店既咖啡印象好深！原來除左美麗華店外,係尖沙咀海港仲有呢一間分店,呢間分店比美麗華木系風設計唔到,呢到主粟正高雅華麗感既design.厚切意大利煙肉配卡邦尼意粉帶住濃厚蛋黃色既卡邦尼意粉十分creamy香滑.厚切煙肉帶住煙燻香得黎又唔會過鹹膩,而且入口帶住煙肉既脂香.意粉彈牙而且每條意大利粉都充份掛起蛋黃忌廉汁,每一口都感受到濃郁既忌廉及蛋黃香.檸檬汁烤雞煙肉意大利三文治Panini外烘得香脆,外脆內軟得黎又唔會過乾.加上檸檬汁既雞肉變得清新輕盈,雞肉嫩口帶肉嚼勁.再配上芝士煙肉,令味道更鹹香口感更豐富.西多士伴鮮漿果雪糕配自家焦糖醬麵包之間夾住莓果醬,西多士充滿蛋香.倒上鹹香既焦糖醬配以被蛋汁沾滿既麵包令味道更香甜鬆軟.加上輕盈既凍雪尼拿雪糕帶出一凍一溫兩極既口感,刺激味蕾.Sparkling black黑咖啡撞入limb soda內令黑咖啡帶出一陣不同既層次感.青檸清香既酸味令咖啡內既苦澀及酸味降低既同時亦加強了咖啡豆自先既焙香味.清爽既感覺好適合夏天呢種咁悶熱既天氣下飲,十分提神.Milk chocolate朱古力味香濃幼滑又帶陣陣奶香,朱古力內既

𝙢𝙮 𝙨𝙚𝙘𝙤𝙣𝙙 𝙫𝙞𝙨𝙞𝙩 𝙩𝙤 𝙚𝙨𝙥𝙧𝙚𝙨𝙨𝙤 𝙖𝙡𝙘𝙝𝙚𝙢𝙮 𝙞𝙩 𝙘𝙚𝙧𝙩𝙖𝙞𝙣𝙡𝙮 𝙙𝙞𝙙𝙣'𝙩 𝙙𝙞𝙨𝙖𝙥𝙥𝙤𝙞𝙣𝙩! 𝙩𝙝𝙚𝙞𝙧 𝙥𝙖𝙣𝙞𝙣𝙞 𝙞𝙨 𝙫𝙚𝙧𝙮 𝙣𝙞𝙘𝙚 𝙙𝙤𝙣𝙚 𝙖𝙣𝙙 𝙞𝙨 𝙛𝙞𝙡𝙡𝙚𝙙 𝙬𝙞𝙩𝙝 𝙩𝙝𝙚 𝙨𝙤𝙛𝙩𝙚𝙨𝙩 𝙘𝙝𝙞𝙘𝙠𝙚𝙣 𝙗𝙧𝙚𝙖𝙨𝙩 𝙞 𝙝𝙖𝙫𝙚 𝙚𝙫𝙚𝙧 𝙝𝙖𝙙! 𝙩𝙝𝙚 𝙥𝙚𝙨𝙩𝙤 𝙨𝙖𝙪𝙘𝙚 𝙞𝙨 𝙧𝙚𝙖𝙡𝙡𝙮 𝙧𝙞𝙘𝙝 𝙞𝙣 𝙛𝙡𝙖𝙫𝙤𝙧 𝙬𝙝𝙞𝙘𝙝 𝙜𝙤𝙚𝙨 𝙬𝙚𝙡𝙡 𝙬𝙞𝙩𝙝 𝙩𝙝𝙚 𝙢𝙚𝙡𝙩𝙚𝙙 𝙘𝙝𝙚𝙚𝙨𝙚🤤 𝙡𝙤𝙫𝙚 𝙩𝙝𝙚 𝙛𝙧𝙚𝙣𝙘𝙝 𝙩𝙤𝙖𝙨𝙩 𝙬𝙞𝙩𝙝 𝙨𝙖𝙡𝙩𝙚𝙙 𝙘𝙖𝙧𝙖𝙢𝙚𝙡 𝙨𝙖𝙪𝙘𝙚!.上次喺美麗華食完之後已經覺得咖啡同埋甜品幾高質，今次經過海港城決定試埋佢啲主食，兩份三文治都好足料，青醬烤雞勁多雞肉，而且佢個青醬好香蒜味！檸檬汁烤雞就清新得黎惹味，呢個仲要加埋煙肉同芝士勁爆餡，而且個包都烘得鬆軟香脆～ 西多士中間夾住果jam，冇平時果啲咁肥膩同好夠蛋香，幾好食🤩 呢度嘅咖啡不嬲有保證，又可以揀唔同嘅咖啡豆，諗唔到食咩又想搵地方Hea下嘅話呢度係幾唔錯嘅選擇！

今日黎到海港城既Espresso Alchemy，好多人排隊，我都等左15分鐘先有位🙈同美麗華分店唔同既係呢到有一排窗檯，雖然景觀係馬路，但方便自己一個工作或者食野👍🏻呢到新增左特色飲品，含有酒精，咖啡以外既飲品，可以一試－－－－－－1. 檸檬汁烤雞煙肉意大利三文治 $69個包烘到脆脆地，份量就比較輕盈，適合細食嘅人，雞胸唔鞋，冇雪味，加煙肉仲可增添咸香味，不過檸檬味唔突出😫2. 火雞胸番茄芝士三文治 $69包有鐵板烤痕，不過外皮再酥脆一點會更好🙈火雞胸薄片，口感較雞肉鞋一點，不過熱食時芝士都有少少拉絲，配蕃茄感覺清新3. 青醬雞扒沙律 $79份量夠2人食，原塊雞扒切片，青醬味唔算好濃，但雞扒完全唔鞋唔乾，每一塊都大大片😋沙律仲加左番茄乾，耐嚼更有番茄味4. 西多士伴漿果雪糕配楓糖漿 $69西多士擺盤幾吸引🤤不過外表有少少燶，切開入面仲有果醬，酸酸甜甜，整體油膩感唔算好重，而且朱古力雪糕好食，但溶得有點快5. 鮮奶咖啡 $40加$2要almond milk，仲有拉花🥰咖啡豆好香，入口細滑，奶味唔會蓋過咖啡濃味