LIFETASTIC Patisserie (The ONE)

营业中

休息中

位於the one既蛋糕店Lifetastic 一直睇佢地店既開面啲蛋糕已經覺得好靚喇 而且的座位 枱面既設計都好有高貴既感覺 係藍色沙發同雲石枱呀❤️環境真心唔錯，重有落地玻璃，用自然光影相係唔洗執都已經超靚首先緊係要食最出名既草莓西瓜蛋糕🍰本身諗唔到點解兩樣野可以擺埋一齊，以為會好唔夾啦，但又出奇地多汁嘅西瓜可以為層cream解我膩，海綿又唔會太鬆或者太實，上面仲有啲乾玫瑰🌹層次好豐富！ 完全對得住呢個價錢！跟住係朱古力香蕉蛋糕🍰佢比起頭先嗰個蛋糕冇咁多材料但係朱古力味非常濃郁，去到中間仲有香蕉蓉，非常之夾！而且成個蛋糕係好紮實，唔會話全部都係海綿好鬆咁😆食完蛋糕梗係要飲返杯野啦我哋就叫咗宇治鮮奶綠茶🍵鮮奶係上面抹茶係下面證明咗佢個奶係好濃稠可以hold得住呢個櫻桃雜莓奶昔好大杯！而且非常之濃稠又係一開始會飲唔到嘅，要等佢融咗先可以飲到，飲得出係好多雜打出嚟嘅，而且會食得出佢啲籽，正😍❤️總括嚟講佢哋嘅水果類嘅嘢食同嘢飲都係比較出色打卡真係一流我仲見到有無花果嗰啲特色生日蛋糕，好想試呀！

上一年係澳洲生活都會係澳洲境內去下旅行，當然不乏去悉尼、墨爾本呢啲大城市睇下啦！當中悉尼有個好岀名既甜品，就係西瓜蛋糕，好記得果日滿心歡喜諗住可以初嚐咁特別既蛋糕，點知......果日咁岩休息，之後既行程都唔會再經呢一區，十分失望！但係，又點會估到我住既城市會定期搞一啲美食攤位，原來悉尼呢間甜品店有參與，所以我最後都試到呢款蛋糕，當然，我希望我自己可以再返返去悉尼當地品嚐岩岩整好既製成品！然後，我冇留意到，原來早係2年前，已經有香港人係悉尼跟師傅學完返黎開店，首間係西環，依家仲開左新既分店係尖沙咀 「The One」！咁岩今日係我同另一半既紀念日，當我地經過既時候，兩眼發光，果時同另一半一齊行緊，我同佢即刻對望大家，然後好一致地話：「入去試下！」，真係冇諗過可以係香港食返同另一半既回憶，仲有我真係中意既西瓜蛋糕！講完我既故事，係時候同大家分享返呢間咖啡店。咖啡店環境咖啡店位於The One四樓，都係以白色金色做主調，比人感覺好醒神，同埋行過既話你一定會留意到佢，因為佢成個凍櫃放滿左好多一式一樣既蛋糕。咖啡店有不少坐位比你坐低慢慢嘆蛋糕，高枱位、梳化位都有，我當然同另一半慢慢住低嘆。餐牌