QUE (MOKO新世紀廣場)

营业中

休息中

4/11/2023 星期六，為兩位11月之星慶祝生日，嚟QUE確係好選擇。店員服務態度友善，細心安排好座位。我哋開始睇下今晚食乜好，餐牌好吸引，款款都想食呀！好喇，我哋楝咗幾款，大家share食。而甜品楝咗雲尼拿草莓蛋糕，餐廳即時幫我哋寫咗生日祝福字句，點爉燭，我哋唱生日歌，給予兩位生日之星一個開心圓美的生日飯。講返晚餐，我哋叫咗A la carte，有：-軟殼蟹意粉 配蟹肉及蕃茄忌廉汁，對喜歡食蟹嘅一定滿足，好夠餡料。鹿兒島䐁肉生薑燒湯手打烏冬，豚肉好食，烏冬彈牙，湯都飲埋。百里香烤豬鞍 配 紅酒話梅汁，豬鞍好juicy，有少少肥肉，入口溶化，美味！櫻花🌸盛，款式多元化，有刺身，有燒蠔，有飯，有烏冬，有甜品，夠特色，十分好食。飲品叫咗兩款：-貴妃白桃沙冰，嘩，好冰凍，正！香桃富士梳，有蘋果片食，又有得飲，夠解渴。好嘢值得推介，－定再encore!

約咗朋友下晝喺旺角買嘢，早少少喺旺角搵餐晏仔食。喺MOKO打咗個round，經過見到呢間新開嘅餐廳，就入去試吓。打開餐牌，見到有個櫻花盛幾吸引，就叫咗嚟食。一個櫻花盛包括咗好多嘢食，有吞拿魚丼、火炙三文魚明太子沙律、辛味八爪魚冷稻庭烏冬、黑松露芝士吉列蠔、黑松露蟹籽壽司筒 & 靜岡縣紅茶焦糖燉蛋。呢度啲魚生幾新鮮，唔會係雪到冇晒味嗰隻。個烏冬辣辣地幾開胃。隻吉列蠔都幾大隻，食落又唔會腥。個焦糖燉蛋都幾好味。餐廳幾光猛，坐得幾舒服。呢度有D壽司塔可好似幾特別，下次同朋友嚟試埋其他嘢先。