常悅素食

营业中

休息中

母親節嘅中午同家人去咗常悅素食飲茶。上海小籠包 (特: $45)小籠包入面包住素肉，素肉質感比較綿，帶有少少汁。蘿蔔絲酥餅 (特: $45)外皮酥脆，餡料口感偏淋，可能因為蘿蔔絲煮得爛咗少少，同埋粉漿比較多。金粟蓮藕餅 (大: $40)蓮藕餅以素肉為主，配以粟米同蓮藕粒。煎釀三寶 (大: $40)每次黎常悅都必定會叫，尤其鍾意食茄子同豆腐，口感外脆內軟，兼帶有素肉煙韌嘅口感。表面再淋上豉汁。甜酸炸雲吞 (中: $37)雲吞皮炸得好香脆。酸甜汁入面帶有少少五柳菜。幾好食。山竹素肉丸 (中: $37)欒樨餅 顏色比一般見到嘅深色，入面包有蓮蓉餡，整體味道正常，唔會好甜。艇仔粥 ($36/ 碗)粥底綿滑，餡料有素肉碎、素海蜇、素火腿絲、金菇等。日式炒手打烏冬 ($106)感覺比較普通，似係素蠔油炒烏冬，配料有素蝦、銀芽同金菇。

同女同事ES,男同事RL終於約到舊男同事FCP噚(29-4-2021 Thur)晚食飯,FCP揀咗呢間,咁我book定位先.我哋早到,但都仍俾我哋入座.睇咗menu,大家都決定要$528.00嘅4人餐,有:1. 紅燒雞絲素翅呢個味道正常,素翅好彈牙.味道: 4分4. 菠蘿咕嚕肉外面仍有啲脆.味道: 3.5分5. 鐵板黑椒素扒好彩呢個唔太辣,素扒有口感.味道: 3分2. 京式燻鵝拼上海烤麩京式燻鵝煙燻味有啲過濃.味道: 2分上海烤麩味道唔算太濃,ok.味道: 3分3. 薑茸蒸鮮竹甫鮮竹豆味啱啱好,唔錯.味道: 5分 6.揚州炒飯素蝦粒爽口,飯粒分明,鹹淡適中.味道: 3分 8.另叫嘅欒樨餅其實一客3件,侍應話叫4個,咁就4個啦.呢個係微暖口感煙韌,內裡重有啲餡,成個係微甜舒服,唔錯.味道: 5分7. 自家製甜品係芋頭西米露呢個好熱,口感正常,比欒樨餅甜啲啲.味道: 3.5分埋單$686.00,唔知前菜,茶錢同欒樨餅幾錢.而上次食評係2016年6月28日刊登嘅呢篇:https://www.openrice.com/zh/hongkong/review/%E4%B8%AD%E8%A5%BF%

朋友生日都遷就我吃素食, 感動啊! 為了翌天要上班, 訂了6時半的枱, 咁早未需等位, 即時入座.先吃前菜涼拌粉皮 + 麻香素手撕雞, 幾位男士吃了都驚嘆口感非常似. 吃得開心!見到有欒樨餅好開心, 因為只有在佛誕期間限定食品, QQ的, 甜甜地, 每年必叫.生日食得豪D, 來個金湯燴素翅, 好多翅, 南瓜味略為淡口, 可以再濃郁明顯啲.亞仔至愛, 一定叫五柳仙班, 這家做的不過不失. 可能唔係芋頭季節, 唔夠香.試試新意思, 整碟沙嗲羊肉串燒, 基本上係好惹味, 羊肉有點脆脆, 配以沙嗲醬, 幾好. 可惜, 無孜然粉味道就唔似羊肉, 聯想唔到啫.朋友必選---薑茸炒有機糙米飯, 好味, 夠薑味, 炒飯粒粒分明.仲有最受歡迎嘅黑松露芝士焗雲吞, 有長尖粉舖底. 濃濃的黑松露及芝士, 恰到好處, 食過就愛上了.我吃飯一定要食菜, 叫咗XO醬炒通菜, 菜嫩滑.仔仔每次都要食粥, 今次試艇仔粥, 好水, 下次要試其他粥, 比較下.咁多男士, 驚住唔夠飽, 再來一客愉耳百頁豆腐, 豆腐夠滑, 愉耳夠爽, 好夾. 有素肉伴炒, 可以接受.生日唔少得: 蓮蓉壽桃, 飽皮好軟熟, 煙煙靱靱, 超喜愛

有朋友近半年轉為素食者，於是到處試素食餐廳。這間位於登打士街，非常方便！當然少不免有扮肉的菜式，例如口水雞、咕嚕肉、西湖牛肉羹等等，讓非素食者都吃得很開心。幾樣「仿雞」菜式特別好味，有雞絲的層次感，又十分入味。最驚喜是甜品，名字很難讀 - 「欒樨餅」！甜甜的、「煙煙un un」，作為最後一樣菜式，令人回味！唯一，如果服務員不要太趕收工，會食得更開心！