居酒屋·姫 (已結業)

早排喺附近食過一間串燒店，經過見到呢間居酒屋心郁郁想試下🙈裝修以日式淺色木系為主，痴咗好多日本海報同清酒貼紙🍶朋友想食海膽，所以嗌咗個日本海膽杯，其實平時我好怕食海膽，因為好怕腥🙊不過呢間個海膽一啲都唔腥，海膽味濃而甘甜🫠我個人比較鍾意食蟹，所以揀咗個北海道毛蟹～蟹肉肉質鮑滿而鮮嫩，鮮甜冇雪藏味☺另外仲有個餐點都值得推介，就係石垣貝🐚其實佢個味有啲似象拔蚌，肉質鮮甜，口感好爽脆，石垣貝係時令食材，夏天先有，同埋坊間唔係周圍都有，所以值得一試🤟🏻整體嚟講，食材新鮮有創意，店員好有耐性去解釋，有質素👍🏻

朋友最近升職加薪，所以話要請我食餐好嘅慶祝一下，於是我地就揀咗呢間居酒屋🏮*毛蟹毛蟹嘅腿肉有好多，而且全部已去殼，所以食落啖啖肉！蟹肉緊緻鮮甜，好滿足😋最值得一提係佢中間嘅蟹殼，蟹殼裝滿咗蟹肉拌蟹膏🦀️蟹膏好多，好肥美，蟹香味濃厚，拌完蟹肉之後食真係好幸福！😭* 嚴選季節特上六款刺身 盛合 擺盤好精緻，六款時令刺身有海膽、赤身、鮪腦天、池魚、真鱘魚、魷魚～刺身全部都好高質～肉質鮮嫩，味道鮮甜，食得出好高質！🥰個人最鍾意就係個海膽，用爽脆嘅紫菜包住黎食更加突出海膽嘅醇香同順滑🤤* A5日本産牛霜焼 (120g) 牛肉雪花紋理清晰，油脂好充足，所以食落牛香滿滿，入口即化，而且肉質好軟好嫩💓