田浦食肉

营业中

休息中

呢間韓式餐廳午市係超級多人排隊，佢嘅午市套餐都好多選擇，大部分都係$98起，但份量超級十足！！！店員大部分都係韓國人，所以都幾有去左韓國嘅感覺，不過位置比較迫，大部分嘅位都幾乎背貼背咁坐。今次揀左水冷麵+炒肉<$98>，水冷麵上枱前店員會剪一剪麵條，方便食用，非常貼心，佢嘅麵嘅份量亦都好多，感覺係可以兩個人食，面頭鋪滿碎冰，食落嘅時候透心涼，最岩夏天熱辣辣嘅時侯食，而佢嘅炒肉都好入味，肉量都適中。不得不提嘅係佢嘅前菜好豐富，泡菜好入味唔算太辣，容易入口，年糕都好好食，有部分前菜係可以refill嘅!!!記得要問問店員！！

返工已經好辛苦，lunch time 真係要出去唞唞氣。而且早幾日落灣仔，見到呢間有人排隊，店內滿坐，人山人海，望門面都幾韓style 。雖然天氣，日日都炎炎夏日，但都左唔到我由金鐘行落去灣仔食飯嘅決心。大約1點左右，門口已經有一條長長的隊，但幸運的是因為我是一個人，可以直接進入店內，享受我的韓式午餐。由於天氣真係好熱，睇住餐牌，我已經即刻點了水冷麵。他們的上菜時間，也十分快捷。當我的水冷麵上枱的時候，店員主動幫我剪斷麵條及撈麵。當我吃上第一口，實在是涼快極了。溫度保持住冰凍，到食完碗麵仲keep到。而那份炒肉絕不吝嗇，每片都有一定厚度，而且很鮮的肉味。伴碟小食，份量好足。對於這個午餐我俾💯，而且決定下次晚上食燒肉？