十二味 (LADDER Dundas) (已結業)

試咗十二味喺旺角嘅分店，呢度嘅川菜好食，我食咗三款特菜式：水煮牛肉：呢款菜真係好正！牛肉好多好鮮嫩，而且仲有寬粉同蔬菜一齊煮，口感好豐富。啲青瓜都好脆口，食落更加開胃。如果你鍾意辣嘢，嗌呢個就冇錯！係一道令人滿足嘅牛肉佳餚！霸王七椒蝦：嗌咗個比較特別嘅菜式。呢個菜同平時食嘅辣子雞有啲相似，但係呢度嘅蝦炸得好香脆，口感好好，好彈牙。如果你鍾意辣同埋鮮蝦嘅結合，呢個係一個好好嘅選擇！而且蝦仲有挑蝦腸，好加分！真係值得推介嘅一款菜式。肥美羊腩筋（5串）：呢個菜都好滋味！市面上有羊腩筋串燒嘅舖頭唔多，所以試下。羊腩筋配上啲香料同調味，味道豐富。嗌咗中辣，真係幾辣下，冇咁食得辣嘅朋友嗌小辣好了。除咗食物好味之外，環境都好舒適方便。佢嘅位置好易到，就喺旺角附近，交通方便，可以用步行嘅方式到達。而且佢嘅座位都好舒適，好闊落，可以坐得好舒服。唔會有擠迫感，即使係大班朋友一齊去食都唔會覺得擠迫。店員都好有禮貌，食辣好主動加水，見我地檯細多餸又拍多張檯比我地。食物，環境，服務態度都好，食得開心。

十二味雖然開咗好多間分店，但係味道質素都比較穩定，幫襯過紅磡 旺角 將軍澳分店味道質素都一樣穩定本人無辣不歡 得閒時候禮拜都有兩三日都食十二味食物質素對得起價錢超級推薦以下菜式午膳一人餐-酸菜魚 -田雞麻辣香鍋 -雞翼麻辣香鍋 -水煮牛肉分量很足 配飯及一本飲品 值得嘗試唯一不足就係用餐位太少，每次都需要等位

話說有一日，有朋友話不如去試吓呢一間新野，所以一行四人，咪去試吓囉！去到環境佈置都唔錯，可能係夜晚關係，啲服務員比較少，只得兩三個人，但地方唔算大，應該都足夠啦。至於嘢食方面，如果閣下係食辣之人，就有定心理準備，可能會有少少失望。如果閣下只係想食少少辣，咁就一定滿足到閣下所想了。總括嚟講，依一間食店，小弟一定會再來光顧🤗飄香毛血旺-淨係睇個樣，都足以令你唔敢起筷，但係食落去，小小辣，非常之易入口，啲材料亦都入晒味，值得一試。水煮牛肉-其實同之前毛血旺差唔多，只不過換咗係牛肉，不過佢加咗水晶粉底，食完片入面啲牛肉，去食個水晶粉底，簡直一流👍🏻霸王辣子雞- 啲雞斬得比較碎，好似係骨多個肉，每次搵件雞，都好似要瓦礫中尋求生還者一樣，雞肉比較乾，辣味一般啦。大盆花菜-我哋選擇唔辣，免得碟碟餸都係辣味，炒埋一碟嘅菜花，雖然唔係太突出，但總算好味。酸辣魚-我哋已經叫小辣，但係辣嘅程度已經好犀利，嗰種酸辣程度，直頭令你回味再回味，真係必食推介👍🏻👍🏻糖醋排骨-呢碟餸一上枱，我仲以為叫咗咕嚕肉，味道平凡，只屬一般，但總算過得去，只係覺得好似改錯名😅回鍋肉-呢碟餸同糖醋排骨一樣，唔知係咪改錯名呢，叫時菜