Picoso

营业中

休息中

同朋友放工嚟到 D2 Place 對面嘅工廈試吓墨西哥菜，原來呢度都幾多人識，餐廳位置方便，餐牌選擇都算多！ 呢個招牌 nachos 我哋揀咗芝士焗煙燻手撕豬肉口味。上面有豬肉絲、芝士、牛油果醬、蕃茄粒同酸忌廉，味道好豐富，如果薄脆可以再脆啲會更好味。 嚟到食墨西哥菜除咗 taco，點可以唔試 quesadilla (發音近似 kay-sa-dee-ya)！我哋揀咗烤西冷牛肉口味，夾落薄餅絕對係我幻想中嘅味道，好味！ 呢款雞翼係我嘅 all time favourite，一個人可以食一打！佢哋嘅 buffalo wing 都幾多汁又夠辣，yum！ 另外，我哋仲叫咗燒雞，佢嘅香料味都幾特別，就算唔點旁邊嘅 BBQ 汁，本身已經好夠味，再加埋沙律同搽咗蜜糖嘅薯角，呢隻燒雞可以再 encore！ 最後，我哋仲叫咗牛油果奶昔，牛油果味清香唔太甜，入口順滑，上邊仲有牛油果粒，飽肚得嚟朋友都話幾好味。 呢間餐廳空間唔算大，不過坐得幾舒服，仲有個玫瑰牆，鍾意影相嘅朋友都可以特別預留呢個位置。整個場地內外都有用心裝飾，每一樣食物都有精心挑選過碗碟，令人食得開心又賞心悅目，服務亦好貼心。 下次嚟我會叫多

墨西哥菜唔係周圍都食到，一直都冇發現原來程班長隔離有間墨西哥餐廳，性價比幾高！————————🔸手撕豬肉鐵板燒 $128啲豬肉好夠味，鹹鹹甜甜咁好juicy，仲俾左d薄餅同3個sauce一齊食，唔夠仲可以出去揀Level 1-7既辣醬嚟點。不過啲豬肉越食越覺得鹹，真係要溝啲醬一齊食😂評分：🌕🌕🌕🌖🌑- 🔸水牛城雞翼 (4隻) $48雞翼幾脆，幾夠味，個sour cream都幾好食!評分：🌕🌕🌕🌕🌑- 🔸Tacos (+手撕烤雞肉) $78 (+$14)啲料都幾多，尤其是個牛油果醬真係幾大pat，不過啲雞肉就唔係好多啦。評分：🌕🌕🌕🌖🌑-墨西哥菜黎講佢都算平，可以再戰👍🏻墨西哥菜唔係周圍都食到，一直都冇發現原來程班長隔離有間墨西哥餐廳，性價比幾高！

今次已經係我地第3次食Picoso，我地之後都會繼續回頭，因為香港既墨西哥菜真係好少有，可能得中環有幾間但價錢好貴。香港人多數出街食飯都係以日式/韓式為主 就算有時想食下西餐 多數都會係諗到法國菜，意大利菜什至乎西班牙菜 但墨西哥依類南美菜式就真係好小人會食。墨西哥菜最出名既當然係佢地既nachos 同burrito啦 而此店係依兩道招牌菜上面都落足料同比足心機 牛油香滑而不膩 剛好帶到一陣清新感中和捲餅既濃郁香味。Tacos我諗大家都非常熟悉，講起墨西哥菜一定會諗起。但係今次我地想推介大家食quesadilla,係一款扁既薄餅，切到細細塊三角形 好易入口，上面有guacamole 牛油果醬同埋芝士，另外都可以加肉。我個人十分推薦慢煮手撕豬肉，加埋脆脆既薄餅一齊食 非常香口。另外佢既小食一樣出色 墨西哥雞翼 、水牛雞翼 以及雞芝雞卷等等 都誠意十足 每樣菜式都配有沙律 食落唔會感覺油膩順帶一提 佢地仲係墨西哥帶左7款唔同辣度hot sauce 返黎比顧客嘗試挑戰自己 而且仲係免費既添！

第一次在OpenRice寫食評，請大家多多指教之餘，最重要是想推介這間位於荔枝角的墨西哥菜小店❤️。-今次是第二次光顧這間舖頭，依然覺得很美味！是日點了招牌玉米nachos，加了肉絲，食物大大碟，又香又脆口，再加上番茄及牛油果🤤，正正正。-另外又點了芝士玉米烤焗卷餅配蘑菇，蛋味濃郁，少少芝士拉絲🤤，很快就覺得飽肚😂😂。水牛城雞翼香脆又入味，小小辣，不錯！-最後不得不提的是那杯牛油果奶昔，雖然$48並不便宜，但的而且確淡淡牛油果肉，香濃幼滑，非常解渴。如果價錢平一點的話，還想飲夠兩杯🤤。-順帶一提，桌子上的辣醬，有個叔叔在包裝上的那款，味道少辣帶點酸甜感覺，非常好吃！-很想再來一次啊。