千杯串居酒屋

营业中

休息中

球王唔使落場都有錢袋，仲可以飛去日本𠻹大胃做到變人球，先得奀水人工，好彩朋友唔收錢都會出場聚一聚日本就去唔到㗎喇，嚟到元朗一樣有好正嘅居酒屋趁仲係蟹的季節，而且有折，嗌碗乜都有嘅蟹皇丼，上面有天婦羅軟殼蟹、天婦羅蛋、蟹肉、蟹籽、芝士蟹籽、蟹膏、蟹棒等等撈飯多重鮨味，啖啖鮮香無比，份量一讚愛蟹之士當然唔會放過甲羅燒啦，超濃密嘅味噌蟹膏喺蟹蓋裡面，撈吓鵪鶉蛋、蟹籽、蟹肉等等冇諗過仲有飯同紫菜跟，捲成飯卷咁食，爆餡爆香，味覺俾海浪衝擊咁居酒屋當然要食燒嘢炸嘢，芝士年糕好抵嗌，大大件好煙韌，裡面流心芝士好綿活鱔燒得好靚，皮脆肉爽，係不能錯過嘅串燒兵庫縣嘅生蠔做緊優惠，半打跟埋壺Sake都唔做三嚿水，肉質多而creamy，幽香帶鮮，點檸檬汁同廚師醬都唔錯sake好順口好易入口，用好靚嘅酒壺裝住，冰酒兩隔，即使冰融都唔會溝淡啲酒帶子裙邊原來係涼拌前菜，每一條邊都好爽彈，醬汁配得好開胃，份量都幾多，價錢唔貴，送酒真係幾好除咗sake，冇諗過梳打都咁好飲，西柚味真係好過癮

🔹牛魔王拼盤 $195牛舌x2、和牛x2、牛柳、冬菇牛舌同和牛燒得好香好好食🤤仲有岩鹽同檸檬可以用嚟調味不過我覺得本身都好夠味！🔹濃口醬燒伊比利亞豚肉丼 $85呢個丼飯性價比幾高！海量嘅豚肉、洋蔥、醫汁同珍珠米～個醫汁撈飯好正，但略嫌油咗啲🤏🏻平時麻麻地食洋蔥，但呢度嘅畀洋蔥煮得好淋好香一啲都冇平時好啃個種味！🔹七味魷魚鬚 $65份量好多～魷魚鬚本身帶有好香紫菜味額外再加咗啲七味粉，食落更惹味～🔹汁燒活鱔 $58燒活鱔好正！！！燒得好香，逼晒鱔嘅油脂出嚟一咬落去超級肥美同juicy！加埋個燒汁整體味道有少少似更有咬口嘅鰻魚～🔹冰燒菠蘿 $38大家細個有冇食過冰菠蘿🤣呢個冰燒菠蘿就係將冷凍菠蘿拎去燒表層有燒過嘅焦香味，咬落去凍冰冰好甜好多汁😳🔹燒四季豆 $24🔹翠玉瓜 $18有冇人發現我食親日本嘢或者串燒都會叫呢兩款蔬菜😁😁😁因為翠玉瓜真係好Juicy好好味😎🔹紅豆雞蛋布丁（送）餐廳呢排好似做緊一啲優惠～提早book枱送呢個煙花人名甜品！適逢朋友就嚟生日，比咗個小驚喜佢🤭星星煙花幾靚！好有氣氛～布丁食落質感會有啲似啫喱🤣除咗生日甜品之外，3-6點前離座，生啤買一送一，menu做85折！早

避開大馬路/又新街一帶人潮聚集地，行入d，一樣搵到好嘢食。因為朋友食過呢間介紹，所以信得過。呢度除左串燒都有好多其他嘢食，生蠔、刺身、拉麵、鰻魚飯都有，不過今晚因為串燒而嚟，其他食物下次嚟再食過😅🍽叫左個人氣串燒5品盛($138)，有牛舌、和牛、雞肉、翠玉瓜、菠蘿。上枱時仲跟有新鮮檸檬及岩鹽🧂。串燒真係好食，完全都唔乾唔嚡，每件都依然juicy；軟腍度處理得剛剛好；而且各有不同調味，看得到大廚的用心，唔會因為同一個餐而一次過統一處理。個人最鍾意牛舌，厚薄適中，無羶味，點少少岩鹽進食，鮮味即時提升。其次係雞，雞肉十分嫩滑、香口。和牛串都幾大粒，入口極重牛味；翠玉瓜用左辣椒粉調味，所以入口特別惹味。菠蘿相對無咩驚喜，一貫嘅鮮甜多汁、無渣。除左5品盛，我地再加多串牛柳($35)、汁燒活鱔($58)、原條黑豚蘆荀卷($32)、日本芝士年糕($48)、杏片日本溫室南瓜沙律($58)。牛柳有黑椒灑面，入口微微香辣，幾惹味；鱔身唔算十分肥，入口好滑，有魚油香；蘆荀口味香郁、清鮮爽口，同小小肥嘅豚肉一齊食，味道好夾、好香。芝士年糕做到流心效果，外皮軟糯香脆；但內裡流沙般嘅芝士極好食。杏片日本溫室南瓜沙