金華冰廳

营业中

休息中

成日聽呢到嘅菠蘿包係香港第一，今次係附近就黎食下。餐廳保留舊時茶餐廳裝修，座位同一般嘅差唔多。服務就相當麻麻，入到去一坐低，即時問食咩，話睇一睇先就即黑面，仲要再三提醒最低消費每人要一杯飲品，連最基本比杯茶，到我食完走都無比到。食物一般，無話喜出驚人，呢個價錢可以有更好選擇。今次叫左三樣，每人$40。菠蘿油 $11個包唔夠熱，牛油唔夠凍。個皮就比較似曲奇，較為硬身，唔夠鬆脆，甜度就正常。但麵包質地幾好唔乾，有少少煙韌。西多士 $16西多士炸到色澤金黃，但唔夠鬆化，一切開中間就見到得極少花生醬，只靠糖漿添味。沙嗲牛肉公仔麵 $38沙嗲香濃，牛肉滑口唔鞋，麵就正正常常。