走肉蔬食研究所 (已結業)

💛週未同屋企人食晏 除左飲茶飲茶同飲茶之外 今日來點新意思💛走肉蔬菜研究所主打校園風，有大大個黑板貼住最後一日嘅🍎😢餐廳其他位國都有書架等佈置 幾有特式💛lunch 主要分為一d幾可亂真多國菜同傳統中式小菜 叫餸食飯都得 加上餐廳會每週轉餐牌 唔怕🌯椰香馬來咖喱羊腩拌麥香抓餅 $85抓餅焗得超香脆 大大片 咖喱好香濃 椰香好重 點抓餅食好滋味不過‘羊腩’ 豆干感比較重 唔夠像真🌮印尼串燒椰香黃薑飯伴蝦片 $85比較羊腩 呢個串燒素肉像真度高好多 黃薑飯嘅香味都好夠 不過就咁食可能有d乾 撈埋頭先個咖喱就完美蝦片都炸得好脆 不錯🍜台式鹽酥雞扒配上海麵 $85呢個係三個之中最唔好食 個炸雞粉好厚 同埋有d淋 就係食到厚厚豆干炸粉感覺😣上海麵正常 另外可以揀素肉燥飯💛所有午餐都配任食沙律吧沙律吧小食都有好多種薯仔沙律，韓國粉絲，粟米粒，炒米粉，青瓜粒，車厘茄，沙律菜其中我最鍾意韓國炒粉絲同米粉❤️我行左幾轉refill💛除左沙律小菜 仲有蕃薯糖水同白飯任裝 完全唔駛擔心食唔飽💛雖然有部份‘肉’麻麻地 但整體都唔錯 又健康抵食 又好有新意 屋企人都幾鍾意

其實，上次老婆嘅生日飯都常帶佢嚟試，不過，種種原因就打消咗。今回就因為要落去荔枝角攞手機，所以，就順道會一會呢間「 研究所」，研究研究一下佢哋嘅素食喺點。因為星期六都唔喺返工日，諗住嚟食個晏，但估唔到都比預期多人，不過，咪睇門口企咗好多人，佢哋唔喺等位，只喺望緊有咩揀，因為呢度有少少快餐營運模式，晌出面收銀落單、俾錢，之後等攞嘢食。入到餐廳裡面，地方都幾大吓，唔算有咩裝修，光管、吊扇、鐵窗、懷舊擺設……等等，帶有一種懷舊風；不過，相信都喺因為由廠廈改建，保留番原有設定而已。亦因為窗口上擺放咗好多書籍、掛咗一張驗眼嘅E字牌、加上餐廳尾嘅大黑板，有人會覺得喺帶學院風，話晒佢都喺「研究所」嘛。然而，枱櫈嘅風格，就俾我嘅感覺喺食堂風，就當嚟咗學校嘅飯堂食餐飯。而防疫措施方面，餐廳都有做番足基本嘢。服務方面，由於呢度都喺自助形式，由落單、取餐、收拾都喺客人自己搞掂，所以，都無咩服務可言。而一入門口，量完體溫，俾個餐牌你兼講兩句就喺咁多，快到基本上唔喺好知佢講乜，只好埋位再研究。但佢哋嘅態度都OK嘅，再有問題問，佢哋都樂意答你。午餐嘅選項都非常之多，全部都定價$75，包一款主菜，餐湯同埋沙律就任取